Bota

Qëllohet me thikë në burg vrasësi i Robert Kennedy


Bëhu pjesë e Grupit Zyrtar të Opinion.al
>> KËTU <<
               Publikuar në : 08:54 - 31/08/19 |
Al Do

Autori i vrasjes së Robert Kennedy, Sirhan Sirhan, është qëllua me thikë në burgun ku vuan prej 50 vitesh dënimin e tij me burgim të përjetshëm.

Pasditen e së premtes në burgun Richard J Donovan pranë San Diegos Sirhan është goditur me thikë nga një tjetër i burgosur thuhet në deklaratën e departamentit të burgjeve të Kalifornisë.  “Oficerët u përgjigjën shpejt dhe gjetën të burgosurin të plagosur me thikë. Ai u transportua në një spital jashtë për kujdes mjekësor, dhe aktualisht është në gjendje të qëndrueshme” thuhet gjithashtu në deklaratë.

Lajmin se viktima e sulmit ishte vrasësi i ish-kandidatit për president e konfirmoi për Asociated Press një burim qeveritar. Zyrtarë të burgut raportuan se autori i dyshuar është identifikuar dhe është ndarë nga pjesa tjetër e të burgosurve në pritje të një hetimi.

Sirhan u dënua për vrasjen e Robert Kennedy në 6 qershor 1968 në hotelin “Ambasador” në Los Angeles menjëherë pasi senatori i New York – vëllai i presidentit të vrarë John F Kennedy – shpalli fitoren në zgjedhjet brenda partisë në Kaliforni.

Sirhan ka thënë se ai qëlloi në Kennedy sepse u zhgënjye nga mbështetja e tij për Izraelin.

Ai u dënua me vdekje, por dënimi u ndryshua në burg të përjetshëm pasi Kalifornia e kishte ndaluar dënimin me vdekje. Atij i është refuzuar lirimi me kusht 15 herë. /Opinion.al

Pas