Kryesore

Pse SHBA kërkon me ngulm mbushjen e Parlamentit?


               Publikuar në : 14:51 - 15/03/19 |
geliano fataj

Shikoni si e trajton parlamentin, si banjo publike. Shikoni si i trajton deputetët si bagëti që shiten dhe blihen si në Pazar të Milotit. A ka shenjë më të qartë të degradimit të një pushteti, se sa shitblerja e të ashtuquajturve deputetë të opozitës së re sikur të ishin bagëti?! Ky sistem ka marrë fund”.

Kështu do të deklaronte Lulzim Basha në një takim me studentët në Durrës, sa i përket deputetëve që pranuan mandatin e deputetit.

Por një tjetër mendim ka Ambasada Amerikane, e cila në një deklaratë përpara protestës thekson: “Ata ish-anëtarë të Parlamentit të cilët vendosën të braktisin mandatet, hoqën dorë nga detyrimet e tyre ndaj qytetarëve shqiptarë, duhet të lejojnë ata që duan të punojnë për të ardhmen e vendit të bëjnë punën e tyre. Ne mbështesim të gjithë ata që vazhdojnë të jenë të përfshirë në procesin demokratik në Parlament, në mënyrë që Shqipëria të vazhdojë të ecë përpara, drejt anëtarësimit në Bashkimin Europian”.
Në këtë përplasje mes Lulzim Bashës dhe Ambasadës Amerikane, të vjen ndërmend dhe deklarata e konservatorit Kujtim Gjuzi, i cili është në listat e PD-së dhe kërkon mandatin e deputetit.

Gjuzi është i certifikuar nga Instituti Demokratik Amerikan, si një njeri që është mik i Ambasadës Amerikane. Dhe e dyta jam mik i Atlantikut se e mbaj orën Atlantik prej 44 vjetësh, jo vetëm në këtë studio”.

Deri më tani janë 11 nga kandidatët e opozitës që kanë marrë mandatin, ndërsa 3 deputetë nuk kanë pranuar të heqin dorë. Mes tyre është dhe Rudina Hajdari.

Por sa efikas mund të jetë një Parlament me këtë “opozitë të re” dhe si do t’i shërbejë kjo demokracisë së vendit? Ambasada Amerikane nuk ka një përgjigje për këtë, ndërsa sipas Kushtetutës së vendit që Parlamenti të funksionojë duhen 140 deputetë./Opinion.al

Pas