Aktualitet

Protesta për rafinerinë e Ballshit, policia procedon 8 persona


Bëhu pjesë e Grupit Zyrtar të Opinion.al
>> KËTU <<
               Publikuar në : 14:01 - 15/09/20 |
el ida

Tetë persona janë proceduar penalisht për zhvllimin e protestës përpara rafinerisë së Ballshit.

Sikurse njofton policia, ata akuzohen për veprën penale, organizimi dhe pjesëmarrja në grumbullime e manifestime të paligjshme.

“Specialistët për Hetimin e Krimeve në Komisariatin e Policisë Mallakastër, në përfundim të veprimeve të kryera në lidhje me protestën e paligjshme të zhvilluar ditën e djeshme para hyrjes kryesore të Ndërmarjes së Përpunimit të Thellë të Naftës në Ballsh, proceduan penalisht 8 persona për veprën penale “Organizimi dhe pjesëmarrja në grumbullime e manifestime të paligjshme” – njofton policia.

Materialet i kaluan Prokurorisë pranë Gjykatës së Shkallës së Parë Fier për veprime të mëtejshme procedurale.

Kujtojmë se ditën e djeshme (14 Shtator), naftëtarët e Ballshit janë ngritur sërish në protestë për mungesën e pagave të prapambetura dhe rifillimin e punës.

Fillimisht ata u grumbulluan përpara Uzinës, ndërsa tentuan të futen me forcë brenda saj. Situata u përshkallëzuar, dhe protestuesit përfunduan duke u përleshur me forcat e policisë dhe atyre të ndërhyrjes së shpejtë./Opinion.al

Pas