Aktualitet

Evis Kushi si Ministre Arsimi: Do nderoj Elbasanin, PS dhe kryeministrin


Bëhu pjesë e Grupit Zyrtar të Opinion.al
>> KËTU <<
               Publikuar në : 14:11 - 15/09/20 |
Al Do

Ministrja e re e arsimit, Evis Kushi ka bërë një mesazh falënderimi në Facebook, me rastin e emërimit në detyrën e saj në qeveri.

Ajo kujton kohën se saj si doktorante në Universitetin “Staffordshire” në Britaninë e Madhe, dhe thotë se posti i ri është provimi i saj më i vështirë deri tani.

Ministrja Kushi shprehet se me detyrën e re do të përpiqet të nderojë Elbasanin, Partinë Socialiste dhe kryeministrin Edi Rama.

Të dashur miq, ju falenderoj pa masë për mesazhet tuaja inkurajuese në këtë moment kaq sfidues për mua! Më keni gëzuar, por nuk më keni lehtësuar! Përkundrazi, mesazhet tuaja më bëjnë të ndjehem edhe më e ngarkuar se sa dje kur kryeministri më shprehu vendimin e tij, me barrën e kësaj përgjegjësie të jashtëzakonshme. Kur mora doktoraturën në Staffordshire University në Britaninë e Madhe, pas pesë vitesh studime e vajtje ardhje mes Elbasanit dhe Stoke-on-Trent mendova se provimet për mua mbaruan. Por paskam qenë aq gabim sa s’ka! Ky i tanishmi është një provim aq i vështirë sa nuk gjej fjalë ta shpreh! Uroj që të kem ndihmën tuaj dhe të kolegëve të mi të shumtë në botën universitare për t’ia dalë faqebardhë. Do bëj gjithçka mundem që të nderoj Elbasanin tim, Partinë Socialiste dhe kryeministrin tonë dhe që kur të kthehem një ditë në auditor të kem respektin e të gjithë kolegëve të mi për atë që do të jem si drejtuese e arsimit. Një pedagoge dhe qytetare në shërbim të përulur ndaj komunitetit të madh të dijedhënësve. Faleminderit shumë edhe njëherë të gjithëve!”, shkruan Evis Kushi në Facebook.

Kujtojmë se dje Besa Shahini u largua nga posti i Ministres së Arsimit pasi ishte paralajmëruar nga vetë ajo më parë se në fund të mandatit nuk do të ishte më në qeveri. Në një video në Facebook, kryeministri Rama njoftoi largimin e Shahinit dhe emërimin e deputetes së Elbasanit, Evis Kushi. /Opinion.al

Pas