Teksa pritet që në orën 12:00 të nisë protesta e thirrur nga ish-kryeministri, Sali Berisha, për Lulzim Bashën kjo e shtunë do të jetë një ditë normale pune.
Basha që në orën 08:00 të mëngjesit ka shkuar në seli, ndërsa mësohet se ditën e sotme ka thirrur në një mbledhje kryetarët e degëve, ku do të diskutohet për kalendarin dhe masat për organizimin e partisë në zbatim të vendimit të Kuvendit Kombetar të datës 18 Dhjetor.
“Të nderuar Kryetarë, Të shtunën, datë 8 Janar, ora 11:00 do të zhvillohet mbledhja e Kolegjit të Kryetarëve të PD për diskutimin mbi kalendarin dhe masat për organizimin e partisë në zbatim të vendimit të Kuvendit Kombetar të datës 18 Dhjetor,
“Për miratimin e programit organizativ të Partisë Demokratike”. Në mbledhje merr pjese edhe Sekretariati i Partisë. Programi i diskutuar dhe miratuar nga Kolegji i Kryetarëve, do ti nënshtrohet më pas miratimit nga Kryesia e Partisë, e cila do të mblidhet po atë ditë”, thuhet në mesazhin që Gazment Bardhi u ka çuar kryetarëve të degëve.
Pas mbledhjes me kryetarët e degëve pritet të mblidhet kryesia e Partisë Demokratike./Opinion.al
