Aktualitet

Prostitucion në qendër masazhi, vajzat rekrutoheshin duke iu premtuar punë


Bëhu pjesë e Grupit Zyrtar të Opinion.al
>> KËTU <<
               Publikuar në : 11:35 - 12/10/20 |
Al Do

Një qendër masazhi në Tiranë ku kryehej prostitucion është bastisur nga policia ndërsa në pranga ka rënë administratori i saj.

Pas informacioneve se në qendrëm e masazhit në kryeqytet shfrytëzoheshin vajza për prostitucion, policia organizoi operacionin “Rekrutimi”.

Si rezultat u arrestua 27-vjeçari me iniciale R.F. Sipas burimeve zyrtare të policisë ai rekrutonte femra nëpërmjet rrjeteve sociale.

Policia thotë ky person i premton se do t’i punësonte si masazhatore dhe më pas i detyronte që t’iu ofronin klientëve të qendrës së masazhit edhe shërbime seksuale.

“Gjithashtu, në vijim të operacionit u arrestua në flagrancë një shtetas 30-vjeçar (klient i qendrës së masazhit) dhe u proceduan penalisht 3 punonjëse të qendrës së masazhit, për veprën penale “Prostitucioni”, thuhet në njoftimin e policisë.

Në bashkëpunim me Prokurorinë e Rrethit Gjyqësor Tiranë vijojnë hetimet për identifikimin e bashkëpunëtorëve të tjerë të përfshirë në këtë veprimtari kriminale.

Materialet i kaluan Prokurorisë së Rrethit Gjyqësor Tiranë, për veprat penale “Prostitucioni”, “Shfrytëzimi i prostitucionit” dhe “Mbajtja e lokaleve për prostitucion”. /Opinion.al

Pas