Deputeti i PD, Enkelejd Alibeajn gjatë negociatave për presidentin e ri ka bërë një propozim për mazhorancën.
Ai tha se dy raundet, ai i dyti dhe i treti t’i lihen opozitës për të bërë propozimet e tyre.
Ndër të tjera ai u shpreh që presidenti i ri të zgjidhet pikërisht në këto raunde, duke shtuar se për të kaluar në raundin e katërt dhe të pestë nuk do të kishte kuptim pasi mazhoranca i ka votat për ta zgjedhur kreun e ri të shtetit.
“Propozimi im është i qartë dhe nuk besoj se ka njeri që nuk e kupton. E drejta e propozimit t’i takojë opozitës. Kjo është një çështje që nuk do njeri mend për ta kuptuar. E pranoni ju këtë klauzolë për hir të kushtetutës. Vetëm në këtë mënyrë jepet një president që gëzon mbështetjen e të gjitha palëve politike. Po kalove te i katërti dhe i pesti i keni në xhep. I vetmi proces kushtetues janë ato që përcaktohet në tre raundet e para. Raundi i katërt dhe i pestë mund të eksplorohet vetëm kur opozita bojkoton procesin. Do jetë një president i etiketuar si i maxhorancës. Por kjo mund të bëhet vetëm kur opozita nuk merr pjesë në proces. Ne po marrim pjesë. Raund të katërt dhe të pestë nuk ka. Garanci është thuash që nuk ka raund 4 dhe 5. Deri te raundi i tretë duhet të kemi domosdoshmërisht presidentin. Kjo garanton procesin. Të mos jetë vetëm një propozim ekskluziv i yni”,-tha Alibeaj.
