Te Fundit

Presioni bën të veten, 2 500 biznese regjistrohen për 3 ditë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:33 - 04/09/15 |
b.f

TIRANË – Duket se ka pasur rezultat aksioni i tatimorëve nëpër biznese dhe trumbetimi që i bëri Qeveria luftës kundër informalitetit. Në vetëm tre ditët e para të shtatorit, tha drejtoresha e QKR, Vasilika Vjero, janë regjistruar 2 500 biznese. Kjo shifër, sipas saj është dyfish më e lartë se një vit më parë.

“Jemi duke u përballur me radhë të gjata në sportele, ndaj u bëj thirrje bizneseve të regjistrohen edhe online”, u shpreh Vjero, gjatë një konference për shtyp sot (e premte). Ajo përsëriti dhe deklaratën e Ramës se “aksioni kundër informalitetit do të mundësojë më shumë të ardhura e rrjedhimisht më shumë mundësi për investime publike dhe ulje taksash”.

Sipas statistikave të QKR-së, në 9 mujorin e parë të 2015-ës janë regjistruar më shumë se 18 mijë biznese, ku vetëm në gusht janë 4 800 biznese të regjistruara. Sipas Vjeros, kjo shifër është 8 herë e lartë se në gusht 2014.

KOMENTO (0)

Shkruaj nje koment

    Pas