Presidenti i Gjermanisë, Frank-Walter Steinmeier do të vizitojë ditën e nesërme Tiranën.
Steinmeier do të pritet me ceremoni zyrtare nga presidenti Bajram Begaj. Ceremonia do të nisë në orën 10:00, ndërsa në orën 10:55 dy presidentët do të zhvillojnë një konferencë të përbashkët për shtyp.
Ndërkohë, bëhet me dije se nga ora 11:30-12:00, Steinmeier do të mbajë fjalën e tij përshëndetëse në seancën e nesërme plenare në Kuvendin e Shqipërisë.
Kjo është hera e parë në 27 vite që një president gjerman viziton vendin tonë, ç’ka është edhe një sinjal për mbështetjen që Gjermania do të vijojë për vendin tonë sa i përket integrimit në BE.
KOMENTO (0)
