Një turiste italiane është shpëtuar pas mbeti 3 ditë e bllokuar në një shpellë në Karabarun.
Uniformat blu bëjnë me dije se I kanë ardhur në ndihmë një turisteje italiane e cila ishte bllokuar në afër një shpelle në Karaburun prej tre ditësh, pasi e kishte të pamundur lëvizjen për shkak të mungesës së ushqimit dhe ujit.
Nga informacionet zyrtare mësohet se turistja italiane mori ndihmën e parë mjekësore dhe ndodhet jashtë rrezikut për jetën.
“Shërbimet e Stacionit të Policisë Orikum, menjëherë pas njoftimit nga një shtetas italian, se një shtetase italiane me të cilën ai po eksploronte zonën e Karaburunit, prej 3 ditësh, kishte mbetur afër një shpelle në këtë zonë pasi e kishte të pamundur lëvizjen për shkak të mungesës së ushqimit dhe ujit, kanë shkuar në këtë zonë, bashkë me shërbimet e repartit “Delta”.
Pas gati 12 orësh kërkime, bashkë me disa specialistë të zonave të mbrojtura dhe pjesëtarë të guidave turistike që njihnin zonën, në bazë të orientimit me hartë, nga turisti italian, është bërë e mundur gjetja e shtetases italiane, në afërsi të vendit të quajtur “Qafa e Petrunës”.
Turistja italiane mori ndihmën e parë mjekësore dhe ndodhet jashtë rrezikur për jetën”, tha policia./Opinion.al
