Aktualitet

Prapaskenat e dorëheqjes së Naços


Bëhu pjesë e Grupit Zyrtar të Opinion.al
>> KËTU <<
               Publikuar në : 03:30 - 10/11/15 |
b.f

Desada Metaj

Pakkush ka qenë i interesuar për tekstin e letrës që Nasip Naço ka dorëzuar lidhur me arsyet e dorëheqjes së tij. Dhe akoma më pak kanë besuar se reforma në drejtësi ka qenë shkak për mosmarrveshje mes PS dhe LSI. Kjo për faktin e thjeshtë, se prej kohësh, drejtues të LSI, përfshirë edhe ministrin e ri Ylli Manjani, kanë artikuluar qartë pakënaqësi, jo vetëm për mënyrën e bërjes së reformës, por dhe përmbajtjen e saj. Pikërisht për këto arsye dhe të tjera që mbeten thjesht hipoteza, Ilir Meta ka zyrtarizuar sot çarjen e parë në koalicionin e paszgjedhjeve të vitit 2013. Bindja të shtohet dhe më shumë duke parë marrëdhëniet e tensionuara të muajve të fundit. Që pas zgjedhjeve lokale të qershorit dhe akuzave të pathëna me zë të lartë se socialistet kishin minuar kandidatët e LSI iu shtua dhe ftohja në marrdhëniet mes Edi Rames dhe Illir Metës. Ata nuk u takuan  për javë të tëra, ndërsa takimet e fundit bashke stafet perkatese me shume se marrdhenies me aleateve i shërbyen publikut për t’i dhene atij përshtypjen se çdo gjë shkon në rregull. Por asgje nuk kishte të vërtetë në këtë shoë të stisur të palëve. Aq e vërtetë është kjo, sa kryeministri Rama me të mbërritur në Tiranë nga SHBA nxitoi të takonte kreun e kuvendit në zyrën e këtij te fundit, menjëherë pas valës disa ditore që e vinte Ilir Metën në krye të akuzave për aferën disamilionëshe në CEZ. Kjo, sepse Meta dhe njerëz afër tij kishin sinjale se pas valës së akuzave dhe raportit të avokatit të shtetit qëndronin Rama dhe disa ministra të tij. Kështu plaga e zgjedhjeve lokale pësoi një mahisje të re, duke rritur dhe presionin e Ilir Metes ndaj qeverisë. Më insistues se asnjëherë, kreu i LSI i përseritit kryeministrit kërkesën për ndryshime në kabinet, edhe pse ky i fundit në çdo dalje publike është avokati më i madh i ministrave të tij, shumë prej të cilëve kohët e fundit kanë qenë edhe në qendër të akuzave për korrupsion. Me lëvizjen e fundit, tërheqjen e Naços nga qeveria dhe zëvendësimin e tij me Manjanin, Ilir Meta ashpërsoi qëndrimin ndaj Ramës, duke i dhënë sinjalin e qartë se tashmë nuk ka më kthim pas në kerkesën për ndryshime në qeveri. Megjithatë ende flitet per “ashpërsim” të marrdhenieve në koalicion, ndoshta një ndryshim tjetër do të jetë një hap më shume drejt krisjes që ka kohë që ka nisur. E deri atëherë, palet kanë kohe të mendohen, Edi Rama nëse do të bëjë ndryshimet e kërkuara dhe Ilir Meta nëse është i gatshëm t’i shkojë deri në fund rrugës që ka nisur. E sigurt është që vjeshta politike ka nisur e nxehtë dhe deri në pranverë të gjithë duhet të jenë të përgatitur për një përballje të re, ndoshta dhe fushatë të parakohshme.

KOMENTO (4)

Shkruaj nje koment

  1. Primi eshte gjeja me e keqe qe mund ti behet kti vendi. Pastaj do kemi diktature! Apo nuk e ke idene ca eshte primi?
    eshte nje tentative tjeter per te eliminuar LSI, jo se kam simpati por me Primin i binte te ishte vetem Rama dhe ps. Mendon se do ishte me mire?

  2. Pse e etiketon si “carje” moj Desada? Prap i LSI eshte ai qe u ve dhe per me teper eshte me i afte se Naco. Mos trillos kot

  3. Sa te jete Ilir Meta ne politik nuk do te kete drejtesi ne kete vend.Duhet te ndryshoje ligji i zgjedhjeve ,te behet ligji me Prim ne menyre qe mos te jet kusht kualicjone me Parti hajdute,Qe pas kesaj te mund te vendoset drejtesia e vertet dhe te ndshkohen hajdutet dhe vrasesit e te gjitha ngjyrave.

Pas