Aktualitet

Policët e skandalit kthehen në detyrë



Bëhu pjesë e Grupit Zyrtar të Opinion.al
>> KËTU <<
               Publikuar në : 22:05 - 12/09/22 |
Opi Nion

Në redaksinë e “Stop” ka mbërritur informacioni, se disa nga policët e Korçës të denoncuar pas publikimit të disa skandaleve nga ana e “Stop”, janë rikthyer në detyrë. Eduard Grezhda dhe Orlando Beqiraj janë sërish efektivë me uniformë.

Bëhet fjalë për një rast, kur policët kanë futur në makinë një të ri dhe tallen me të duke i thënë që do ta fusin në burg për vjedhje. I riu dallohet në video që është në gjendje të rënduar psikologjike, ndërsa policët pasi e kanë tallur, videon e kanë postuar në rrjetet sociale.

Polici: Pusho tashi ti ore, pusho tani ti mo…

Qytetari: Nuk isha unë me ta, unë thashë çfarë patët me mua.

Polici: Ikët me vrap!

Qytetari: Ika se u tremba!

Polici: Pse u trembe?

Qytetari: Po u tremba se më zutë… isha pa faj.

Polici: Për çfarë paguhemi ne, për kot? Po ç’kishe punë atje ti?

Qytetari: Për zotin, për kokë.

Polici: Do vesh në kokërr të burgut, je numër njëshi që do akuzohet për vjedhje.

Qytetari: Për shpirt të nënës ç’më bëtë!

Për këtë rast, drejtuesi i emisionit “Stop”, Saimir Kodra, i bëri thirrje drejtorit të ri të Policisë së Shtetit, Muhamet Rrumbullaku, por edhe atij të Drejtorisë Vendore në Korçë që të marrin masa.

“Në atë kohë policët janë shkarkuar, lajmi u bë me dije nëpër media të ndryshme. Sot janë në punë. Nuk e di se kush gjyqtar, ose në ç’bazë çfarë kriteresh janë kthyer në punë. Unë nuk besoj që ata duhen kryqëzuar, por në polici jo. Ata mund të fillojnë punë në një pub stripi që t’i bëjnë video atyre gocave dhe t’i çojnë nëpër klienta, por në polici jo. O pikë e zezë! Në fakt në qoftë se sot do të ishte drejtor Gledis Nano, një mik ekselent i imi dhe i të gjithë gazetarëve nëpër Shqipëri do të merrte masë. Nuk e di nëse zoti Met Rrumbullaku do ta shohë apo do ketë kurajon në këto 1 mijë punë që ka tani rishtazi, të marrë një masë për këta, posaçërisht nga ai. Është e tmerrshme! Ky stan këtë bulmet ka, kështu do sillen këta gjithmonë. Ku njerëzve u thonë që ti je ajo, ti je kjo. Policia, policia me ta bo gjakun ujë. Ku di çuni i shkretë, me sa kuptoj ka qenë hera e parë që e ka ndaluar policia edhe thotë bo bo ç’më gjeti mua. Prandaj i bëj thirrje drejtorit aktual të Korçës, e njoh personalisht, besimplotë tek reagimi i tij. Në mos i largofsh dot për shkak të një vendimi gjykate sepse janë nën hetim për atë që kanë bërë, të paktën mos i nxirr në patrullë në kontakt me qytetarët. Të paktën çoji nëpër roje objekti atje”, tha Kodra./ Tv Klan

Pas