Një avion i nisur nga Kroacia në drejtim të Gjermanisë është zhdukur disa minuta pasi është ngritur në fluturim. Mediat kroate bëjnë të ditur se bëhet fjala për një avion privat me katër pasagjerë në bord, i humbi kontaktet me kullën e vrojtimit në veri të Rakovicës.
Shërbimet Kroate të Navigacionit Ajror informuan Qendrën Operative të Mbrojtjes Civile se avioni i tipit Cessna i humbur në veri të Rakovicës, nisej nga Spliti dhe po shkonte në veri drejt Gjermanisë.
“Kushtet në terren janë shumë të këqija. Terreni po kërkohet nga më shumë se 60 persona për shkak të kushteve që nuk mund të përdorim helikopter. Aktualisht jemi duke kërkuar vendndodhjen e fundit të mundshme në zonën e Slunja, por gjithçka është relative dhe do të vazhdojmë”, citohet të jetë thënë nga qendra e komunikimit të Drejtorisë së Policisë së Karllovac.
Ndërkohë raportohet jozyrtarisht se në aeroplan kanë qenë tre shtetas gjermanë dhe një kroat. Konfirmohet gjithashtu se kontrolli i fluturimit kroat ka pranuar një thirrje për ndihmë nga ana e aeroplanit në fjalë.
Kërkimet janë ende në vazhdim dhe po bëhen përpjekje të mëdha për të gjetur sa më shpejt avionin pavarësisht kushteve të vështira atmosferike./Opinion.al
📌 @CroatiaControl obavijestila je Operativni centar civilne zaštite @RavnateljstvoCZ o nestalom zrakoplovu tipa Cessna sjeverno od Rakovice, na visini 2300 stopa, koja je krenula iz Splita, a kretala se u smjeru sjevera prema Njemačkoj
🔗Više na↘️https://t.co/R9FLtyIZjB— Ravnateljstvo civilne zaštite MUP-RH (@RavnateljstvoCZ) May 29, 2022
