Kreu i Partisë Demokratike, Lulzim Basha prezantoi sot në një konferenë për shtyp Planin e Rimëkëmbjes me 5 hapa kundër krizës së shkaktuar nga COVID-19.
Ai tha se kjo paketë ka një kosto 312 milionë euro për 6 muajt e ardhshëm duke filluar nga tetori.
Ajo që ra në sy në planin e PD, ishte dhe ndihma e drejtpërdrejtë e propozuar për disa kategori.
Kreu demokrat kërkoi mbështetje me 16 mijë lekë në muaj për 6 muaj për ata që kanë humbur vendin e punës nga pandemia gjatë këtij viti.
Çdo punëdhënës që rimerr në punë një individ që ka humbur vendin e punës prej pandemisë merr një shumë mujore prej 20 mijë lekë të reja në muaj për një periudhe 6 mujore në mënyrë që t1% kompensojë pagën.
Për pensionistët Basha kërkoi një çek mujor prej 2 mijë lekë të reja në muaj, për 6 muaj ndërsa për ata që trajtohen me ndimë ekonomike kërkoi dyfishimin e saj për 6 muaj.
Sa i përket bizneseve, Basha propozoi çek prej 1000 euro për çdo biznes të vogël aktiv.
Për personat e prekur nga COVID-19, PD propozon rimbursim të plotë për marrjen e mjekimit ambulatorë. Ndërsa për mjekët dhe infermierët bonus respektivisht 1000 euro dhe 500 euro për 6 muajt e ardhshëm. Basha propozoi që ky bonus të jepet për të gjithë mjekët dhe infermierët Shqipëtar pa përjashtim.
Për biznesin prodhues dhe punëdhënësit e mëdhenj propozihet për 6 muajt e ardhshëm, subvencionim i 50% të qirasë për ambjentet e punës ose heqje e taksës së pronës për bizneset pronare të ambjenteve të punës. Gjithashtu u kërkua përcaktimi i një tavani prej 2% të normës së interesit për biznesin, duke subvencionuar çdo përqindje mbi këtë vlerë në kredimarrjen për investime dhe shpenzime operative./ Opinion.al
