Kronikë

Pjesë e grupit kriminal,pista e hetimit për vrasjen e të riut,ekzekutimi u krye..


Bëhu pjesë e Grupit Zyrtar të Opinion.al
>> KËTU <<
               Publikuar në : 10:00 - 24/12/21 |
Opi Nion

Pistat hetimore për vrasjen e Can Kariçit në Kodër –Kamëz janë fokusuar në të shkuarën kriminale të viktimës, pasi rezulton se i riu ishte pjesë e një grupi kriminal, ku bënin pjesë edhe dy viktimat e ngjarjes së ndodhur në 13 nëntor në Astir, Eriges Mihasin dhe Armand Dumani.

Sikurse bëhet me dije, Karriçi ka qenë një person me precedent penalë dhe është arrestuar më parë për plagosje me dashje në Tiranë dhe për armëmbajtje pa leje.

Ai është arrestuar në shkurt të këtij viti në një objekt në afërsi të Milotit, ku nga kontrollet e policisë, në këtë ambient është gjetur dhe sekuestruar një pistoletë tip “Glock”, fishekë dhe targa të vjedhura.

Raportohet se të paktën dy persona dyshohet se kanë marrë pjesë në atentatin ku u ekzekutua i riu. Mësohet se një nga dy atentatorët ka kryer rolin e qitësit, ndërsa tjetri ka qenë drejtues i automjetit. Autorët ende nuk janë identifikuar.

Sikurse u bë me dije, vetëm pak orë pas vrasjes një makinë tip “Audi”  u gjet e djegur në Institut, e cila dyshohet se është e autorëve. Makina është me targa të huaja, ndërsa brenda saj është gjetur edhe një kallashnikov.

Cen Karriçi është gjetur brenda mjetit të tij nga kalimtarët e rastit në zonën e Kodër Kamzës. Ai kishte ende shenja jete, por gjatë rrugës për në spital ka ndërruar jetë./Opinion.al

Pas