Aktualitet

Përmbytjet në Shkodër, PD: Rama refuzon të ndihmojë qytetarët


Bëhu pjesë e Grupit Zyrtar të Opinion.al
>> KËTU <<
               Publikuar në : 18:58 - 11/02/21 |
Opi Nion

Partia Demokratike ka fajësuar qeverinë “Rama” për situatën e krijuar nga përmbytjet në qarkun e Shkodrës.

Përmes një postimi në “Facebook”, ish-deputeti Bardh Spahia thekson se kryeministri Edi Rama duhet të shpall fatkeqësinë natyrore për zonat e përmbytura.

Sipas tij, “pushteti vendor në Shkodër po bën maksimumin për t’u qëndruar banorëve pranë por është lënë i vetëm nga qeveria.”

Ish-deputeti thotë se kryeministri refuzon të ndihmojë qytetarët e Shkodrës dhe pse në këtë qark janë përmbytur 4 mijë hektarë tokë.

Reagimi i Spahias

PERMBYTJET PO PROVOJNE PABESINE DHE PAPERGJEGJSHMERINE KRIMINALE TE EDI RAMES NDAJ SHKODRES!

Ka një situatë të agravuar të përmbytjeve në Shkodër për shkak të reshjeve që vijojnë dhe situata nuk po njeh përmirësim.

Pushteti vendor në Shkodër po bën maksimumin për t’u qëndruar banorëve pranë por është lënë I vetëm nga qeveria.

Refuzimi i Edi Ramës për të shpallur gjendjen e fatkeqësisë natyrore është pabesi ndaj banorëve të Shkodrës.

Janë mbi 4 mijë hektarë tokë e përmbytur dhe uji sic shihet nga pamjet e sotme ka hyrë brenda në qytet. Kjo është situata që Edi Rama refuzon ta konsiderojë! Ai refuzon të ndërhyjë për të ndihmuar në një situatë të tillë.

Në 8 vitet e rregjimit të tij, Shkodra nuk ka njohur mbështetje por vetëm denigrim nga qeveria e situata mbetet e njëjtë edhe sot, kur banorët kanë më shumë nevojë se kurrë për mbështetjen e qeverisë e cila paguhet me taksat e tyre për t’u kujdesur për ta!

Shikoji këto pamje Edi Rama! Situta nuk pret: shpall gjendjen e fatkeqësisë natyrore sepse e ke detyrim njerëzor, e jo përmbushje e mllefit të verbër nga refuzimi politik që të ka bërë gjithnjë Shkodra! #ShkodraNukHarron

Pas