Bota

Përmbytjet në Europë/Më shumë se 150viktima,pamje katastrofike të qyteteve


Bëhu pjesë e Grupit Zyrtar të Opinion.al
>> KËTU <<
               Publikuar në : 08:35 - 17/07/21 |
Opi Nion

Vijon të jetë e rënduar situata në Gjermani, ndërkohë që rritet numri i viktimave si pasojë e përmbytjeve që janë konsideruar si katastrofa e shekullit.

Numri i personave që kanë humbur jetën në Europën Perëndimore ka shkuar në më shumë se 150, ndërsa me qindra të tjerë rezultojnë ende të zhdukur, raporton BBC.

Sasia rekord e reshjeve ka shkaktuar përmbytje të mëdha jo vetëm në Gjermani dhe Belgjikë, por edhe në Zvicër, Luksemburg dhe Hollandë – ku Kryeministri Mark Rutte ka shpallur një katastrofë kombëtare në një provincën jugore.

Udhëheqësit evropianë kanë fajësuar motin ekstrem për ndryshimin e klimës. Ekspertët thonë se ngrohja globale i bën reshjet e rrëmbyeshme. Bota tashmë është ngrohur me rreth 1.2C që nga fillimi i epokës industriale.

Në Gjermani, puna e ekipeve të shpëtimit u pengua nga kushtet e vështira të motit ditën e djeshme, duke pezulluar punën për disa orë. Rrjetet telefonike janë prishur në rajonet e prekur dhe rrugët janë dëmtuar rëndë, ndërsa landet më të prekur janë Nordrhein-Westfalen, Rheinland-Pfalz dhe Saarland.

Në Belgjikë, ushtria ka shkuar në 10 provincat e vendit për të ndihmuar në shpëtimin dhe evakuimet, ndërsa kryeministri Alexander De Croo tha se këto përmbytje “janë më katastrofiket që ka parë vendi”. Në Holandë, mijëra njerëz u larguan nga shtëpitë e tyre në provincën Limburg.

 

Pas