Aktualitet

Basha në Shkodër: S’është koha për politikë,qeveria të marrë masa urgjente


Bëhu pjesë e Grupit Zyrtar të Opinion.al
>> KËTU <<
               Publikuar në : 13:30 - 10/01/21 |
Doriana Çepunaj

Kreu i Partisë Demokratike, Lulzim Basha ka vizituar këtë të diel zonat e përmbytura në Shkodër.

I shoqëruar nga kryebashkiakja e Shkodrës, Voltana Ademi, Basha deklaroi se gjendja mund të jetë më e mirë menaxhuar nga ana e shtetit.

“Ndodhem këtu për të qenë pranë qytetarëve të Shkodrës për të përballur një situatë të rëndë. Në këtë situatë krizash siç është pandemia e cila po na kushton dhe jetë njerëzish. Nuk është koha për politikë por nuk mund të mohohet se gjendja mund të jetë më e mirë menaxhuar. Kam qenë në komunikim të vazhdueshëm me Ademin dhe me përfaqësuesit tanë në zona të goditura rëndë. Duhen marrë masa urgjente. Duhet të ketë transparencë. Sasia e derdhjeve shtesë është dyfishuar”, tha kreu i PD.

Po ashtu kryedemokrati tha se Partia Demokratike do të bëjë gjithçka për të ndihmuar banorët, ndërsa theksoi që qeveria duhet të lërë mënjanë propagandën, por të ndihmojë banorët.

“Me këtë mot situata do vijë duke u përkeqësuar. Duhen marra masa urgjente. Banorët po pësojnë goditje pas goditjesh., Mund dhe duhet të bëhet sa më shumë për të mbajtur nën kontroll situatën. Do vazhdoj të qëndroj pranë banorëve. Njerëzit tanë po punojnë me mish e me shpirt. Detyra kryesore e qeverisë është të bëjë gjithçka për të mirë menaxhuar situatën.  Një mirë menaxhim i mirë mund të kufizojë dëmet dhe mund të kishte parandaluar deri më tani. Situata po peripiciton me shpejtësi. Ti shtrohet punës. Unë do bëj gjithçka për të ndihmuar banorët e Shkodrës, përfaqësuesit tanë ndodhen në terren pranë familjeve të goditura”, shtoi Basha./Opinion.al

Pas