Aktualitet

Përfundon pa sukses takimi i naftëtarëve me përfaqësuesit e firmës


Bëhu pjesë e Grupit Zyrtar të Opinion.al
>> KËTU <<
               Publikuar në : 17:08 - 14/10/20 |
Opi Nion

Nuk ka rezultuar i suksesshëm takimi i naftëtarëve me përfaqësuesit e firmës, e cila pretendon se ka në administrim Uzinën e përpunimit të naftës në Ballsh.

Naftëtarët shprehen pas takimit se nga ana e përfaqësuesve të firmës nuk është ofruar zgjidhje për shlyerjen e pagave të prapambetura.

Sokol Dautaj, kreu i sindikatës së naftëtarëve, i pranishëm ̈m në takim bashkë me 5 specialistë të tjerë, ka konfirmuar se greva e urisë do të vazhdojë dhe paralel me të edhe protestat përpara uzinës dhe në qytetin e Ballshit.

Pjesë e takimit kanë qenë të njëjtët persona, të cilët u afruan në mjediset e uzinës rreth dy muaj më parë dhe që premtuan nënshkrimin e kontratave me punonjësit, proces që nuk u finalizua asnjëherë.

Sipas naftëtarëve, këto takime janë tentativa për të prishur grevën e urisë dhe për të ndaluar protestat e tyre, por pa marrë një zgjidhje konkrete janë të vendosur të vazhdojnë./ Opinion.al

Pas