Aktualitet

Përfundon mbledhja,”Kushtetuesja” nis procedurat për zgjedhjen e kryetarit


Bëhu pjesë e Grupit Zyrtar të Opinion.al
>> KËTU <<
               Publikuar në : 15:28 - 07/01/21 |
Semiljana Azizi

Ka përfundur mbledhja e Gjykatës Kushtetuese e cila ka nisur mesditën e sotme.

Bëhet me dije se gjatë mbledhjes është vendosur që Vitore Tusha të vijoj të mbajë detyrën e kryetares së kësaj gjykate, në cilësinë e gjyqtares më të vjetër, deri sa të zgjidhet një kryetar i ri.

Gjykata Kushtetuese njofton se kanë nisur procedurat për zgjedhjen e kryetarit.

Gjithashtu është vendosur të caktohet kalendari i çështjeve i cili pritet të shqyrtohet duke pasur parasysh jo vetëm rendin kronologjik të çështjeve të mbartura, por edhe natyrën dhe rëndësinë e tyre.

Kujtojmë që deri më tani janë emëruar 7 nga 9 gjyqtarë që duhet të ketë Gjykata Kushtetuese për t’u quajtur e plotësuar.  Megjithatë puna mund të nis me 6 gjyqtarë.

Në detyrë janë:

  1. Dr. Vitore Tusha, anëtare me kompetenca të Kryetarit
  2.  Dr. Elsa Toska, anëtare
  3. Marsida Xhaferllari, anëtare
  4. Dr. Fiona Papajorgji, anëtare
  5.  Altin Binaj, anëtar
  6. Përparim Kalo, anëtar
  7. Sonila Bejtja, anëtare/Opinion.al

Pas