Kryesore

Zv.ministri grek komenton vizitën e Ramës në Turqi, ç’thotë për detin


Bëhu pjesë e Grupit Zyrtar të Opinion.al
>> KËTU <<
               Publikuar në : 15:45 - 07/01/21 |
el ida

Zëvendës ministri Jashtëm i Greqisë Miltiadhis Varviciotis tha se çështja e zonës detare mes Greqisë dhe Shqipërisë do të zgjidhet në Gjykatën e Hagës, ndërsa palët janë duke hartuar dosjet.

“Të dy palët jemi në fazën e përpunimit të dosjes me pozicionet përkatëse që do paraqesim në Hagë. Siç e dini, në Shqipëri ka reagime të fuqishme të brendshme në lidhje me zhvillimet e fundit me zgjerimin e Jonit me 12 milje, nga Greqia. Madje deklarata janë bërë edhe nga presidenti i vendit, Ilir Meta dhe nga opozita, ndërsa qeveria e Ramës ka deklaruar hapur se është e drejta e Greqisë, që nuk cënon aspak të drejtat e Shqipërisë dhe nuk është e nevojshme klima e nënshtrimit që duan të ushqejnë zërat kundër”, tha ai.

Varviciotis pohoi ndër të tjera se Greqia dhe Shqipëria ndodhen në një fazë ku ka vullnet për bashkëpunim të ndërsjelltë. Ai tha se një çështje tjetër veç asaj të detit, ku po punohet për zgjidhje është çështja e minoritetit grek në Shqipëri e cila përfshihet në kuadrin negociues të Shqipërisë me BE-në.

Ndërsa ka komentuar njëkohësisht edhe vizitën e Kryeministrit shqiptar në Turqi, gjatë një interviste radiofonike numri dy i diplomacisë greke u shpreh se kjo vizitë ka qenë e fokusuar në çështje ekonomike.

“Në lidhje me vizitën Rama në Turqi, përfundimet që ne nxorëm nga ky takim janë se u kufizua në çështjet ekonomike dhe marrëveshje ekonomike mes dy vendeve, duke shmangur çdo deklaratë politike, që mund të karakterizonin dhe një bashkëpunim ushtarak strategjik nën kuadrin e NATO-s”, u shpreh Varviciotis./Opinion.al

 

 

Pas