Kryesore

PD: Projektuesi i aeroportit të Vlorës klient i Ramës, i dënuar në Itali


               Publikuar në : 18:25 - 16/09/19 |
Al Do

Ndërkohë që kryeministri Rama prezantoi projektin e aeroportit të Vlorës, Partia Demokratike reagoi duke ngritur pikëpyetje mbi procedurën e projektimit dhe projektuesin.

Në një deklaratë për mediat Sekretari i Burimeve Njerëzore në PD Ervin Minarolli tha se ky është një projekt që synon të vjedhë paratë e shqiptarëve

“Askush nuk e di sesi u përzgjodh firma projektuese. Për të nuk është hapur asnjë garë. Nuk ekziston në letrat e shtetit shqiptar asnjë procedurë e rregullt ligjore. Askush nuk e di sa ka kushtuar projekti dhe si do të paguhet ai” tha ai.

Minarolli bëri publik emrin e projektuesit, Marco Casamonti dhe shtoi se ai është I dënuar në Itali për mashtrim financiar në vitin 2017.

“Arsyeja e vetme është lidhja personale e Edi Ramës me projektuesin e aeroportit të Vlorës. Ai quhet Marco Casamonti, i cili ka projektuar disa nga veprat që kanë betonizuar Tiranën dhe Durrësin, Velierën e Durrësit, kullën tek Gjykata e Lartë, kullën tek Rruga e Kavajës, si dhe stadiumin me kullën e Edi Ramës. Arkitekti personal i Edi Ramës, që ka projektuar Aeroportin e Vlorës jashtë çdo procedure ligjore, është i dënuar në Itali në vitin 2017 për mashtrim financiar” deklaroi Ervin Minarolli. /Opinion.al

Pas