Opinion.al ka zbardhur fjalën e kryetarit të PD, Lulzim Bashanë mbledhjen që po zhvillon me deputetët lidhur me votimin e zgjatjes së afateve të organeve të vettingut.
Basha është shprehur se ditën e sotme në rendin e ditës në Kuvend reforma territoriale dhe ajo zgjedhore. Duket se Basha do të votojë pro zgjatjes së organeve të vettingut duke marrë në këmbim plotësimin e dy kushteve kryesore të PD, kryerjen e reformës territoriale dhe kryerjen e reformës zgjedhore.
Pas votimit për zgjatjen e mandatit për organet e vetingut, Parlamenti do të votojë për ngritjen e 2 komisioneve për zbatimin e menjëhershëm të kërkesave të PD.
“Në rendin e ditës janë futur sot ngritja e komisionit të reformës zgjedhore dhe asaj teritoriale. Këto janë dy reforma themelore për rikthimin e demikracise dhe votës së lirë si dhe rindarjen territoriale. Zgjedhjet e lira dhe te ndërshme jane prioriteti yne. Ne duhet të bëjmë gjithçka, të konsultohemi me ekspertët më të mirë vendas dhe të huaj, në mënyrë që të ndërtojmë mekanizmat e duhur për të garantuar që vullneti i zgjedhësve të mos deformohet, si deri më sot, nga shitblerja e votës, bashkpunimi me krimin dhë përdorimi administratës dhe fondeve publike. Prioritet i yni është reforma territoriale. Grupi i punës së bashku me deputët do të nisin një tur konsultimesh në të gjithë vendin, për një ndarje të drejtë administrative, për të fuqizuar pushtetin vendor dhe për të ofruar shërbime publike me cilësi të mirë. PD ka qenë që prej ditës së parë mbështetëse e reformës në drejtësi. Natyrsisht ndërhyrjet e mazhorancës për ta vënë në shërbim të saj e kanë dëmtuar atë dhe pasojat po i shohim dhe sot. PD e vendosur për të ndërmarrë çdo vendim që do të mundësonte dunksionin më të mirë të drejtësisë dhe dhënien fund të pandëshkueshmerisë. Sot Shqipëria është vendi më i korruptuar i Europës dhe maja e korrupsionit është në qeveri. Pa një drejtesi të fortë, të pastër dhe të pavarur Shqiperia nuk do të ketë progres ekonomik dhe as në rrugën drejt integrimit. PD është kontribuesja më e madhe e procesit të integrimit europian. Dhe kurrë nuk do të ndërmarrë ndonjë vendim kundër apo që e dëmton këtë proces. Reforma zgjedhore reforma territoriale dhe drejtësi që ndeshkon korrupsionin qeveritar dhe krimin e organizuar janë prioritete kombëtare dhe kontribojnë në rrugën e Shqipërisë drejt BE.”-ka thënë Basha./Opinion.al
