Aktualitet

PD kërkon heqjen e mandatit të Xhaçkës, PS:S’ishim në Tiranë, të shtyhet mbledhja



Bëhu pjesë e Grupit Zyrtar të Opinion.al
>> KËTU <<
               Publikuar në : 10:55 - 24/06/22 |
Opi Nion

Këshilli i Mandateve është mbledhur këtë të premtë për të shqyrtuar kërkesën e grupit parlamentar të Partisë Demokratike për heqjen e mandatit të deputetes, Olta Xhaçka, pasi bashkëshorti i saj ka marrë statusin e investitorit strategjik.

Në mbledhje, deputetja e Partisë Socialiste Klotilda Bushka ka kërkuar më shumë kohë që deputetët të njihen me kërkesën e Partisë Demokratike për heqjen e imunitetit të ministres së Jashtme, Olta Xhaçka.

Deputeti i PD, Enkelejd Alibeaj tha se kërkesa i plotëson të gjitha kriteret.

“Kërkesa është e nënshkruar nga 14 deputetë. Përveç depozitimit të mocionit, janë të bashkëlidhur dhe faktet dhe provat përkatëse, vendimet e Komisionit të Investimeve strategjike, dhënien e statusit të investitorit strategjik të shoqërisë që ka lidhje me znj. Xhaçka. Ekstratet nga institucionet që përcaktojnë kush është administratori i shoqërive përkatëse. Kërkesa i ka të gjithë elementët. Janë përcaktuar qartësisht dispozitat ligjore, shkelja e tyre, analiza e fakteve dhe pjesa e provave. Sa i përket shtjellimit të përmbajtjes, do ta bëjë z. Korreshi”, tha Alibeaj.

Ndërkohë, Bushka bëri me dije se ajo vetë por edhe kolegë të tjerë si Ermonela Felaj kanë qenë jashtë vendit, kur është bërë kërkesa, ndaj kërkojnë shtyrjen e mbledhjes për tu njohur me dokumentaionin..

“Do të ishte në seriozitet të punës së këtij këshilli që të gjithë kolegët të lexojnë materialet para fillimit të prezantimit të kërkesës. Kërkesa ka ardhur në datën 20 kohë kur ne nuk kemi qenë në Tiranë, ndaj do kërkoja që ta shtyjmë në mbledhjen tjetër prezantimin dhe diskutim për këtë çështje, që edhe kolegët ta lexojnë siç duhet”, tha ajo.

Ndonëse opozita kontestoi, maxhoranca nuk ra dakord dhe u vendos shtyrja e mbledhjes. Këshilli i Mandateve në fund do të dalë me një raport që më pas i kalohet senacës plenare, ku do të votohet nëse çështja do të shkojë në gjykatë kushtetuese apo jo.

Pas