Ambasadorja e SHBA në Tiranë ka shpërndarë në një postim në “Twitter” një nga rekomandimet e OSBE/ODHIR në lidhje me zgjedhjet e 25 prillit.
Bëhet fjalë për rekomandimin e katërt prioritar të Raportit Përfundimtar të OSBE/ODHIR, i cili thotë: Shqipëria duhet të garantojë sigurinë e të dhënave personale të qytetarëve. Institucionet përkatëse duhet të hetojnë dhe sanksionojnë plotësisht çdo shkelje që ndikon në besimin e publikut në procesin zgjedhor.
Kim shkruan se SHBA i nxit autoritetet të veprojnë sipas rekomandimeve të OSBE/ODHIR . Sipas Kim, e drejta e qytetarëve për të votuar lirisht dhe pa frikë, presion apo joshje të paligjshme është themelore për demokracinë
“Ne i nxisim autoritetet të veprojnë sipas rekomandimeve të OSBE/ODHIR në lidhje me zgjedhjet e 25 prillit. E drejta e qytetarëve për të votuar lirisht dhe pa frikë, presion apo joshje të paligjshme është themelore për demokracinë”, shkruan Kim./Opinion.al
We urge authorities to act on this and other recommendations of @osce_odihr regarding the April 25 election. The right of citizens to vote freely – without fear or pressure or illegal enticement – is basic to democracy. https://t.co/xNaUqLsGhI
— Ambassador Yuri Kim (@USAmbAlbania) October 11, 2021
