Kryesore

Pas takimit me Ruçin, opozita në parlament nuk pranon të votojë reformën


Bëhu pjesë e Grupit Zyrtar të Opinion.al
>> KËTU <<
               Publikuar në : 10:29 - 10/06/20 |
Al Do

Kryetari i Kuvendit, Gramoz Ruçi, u takua sot me kryetarët e grupeve parlamentare të opozitës, siapas kërkesës së tyre, për të diskutuar mbi Reformën Zgjedhore.

Në takim ishin të pranishëm Myslim Murrizi, kryetar i Grupit Parlamentar Demokrat, Nimet Musai, Kryetar i Grupit Parlamentar  të Pavarur, dhe Edmond Stojku, kryetar i Grupit Parlamentar “Demokraci dhe Drejtësi”.

Përfaqësuesit e opozitës parlamentare i paraqitën Kryetarit të Kuvendit objeksionet e tyre për propozimet e Këshillit Politik për kryerjen e reformës zgjedhore, implementimin e rekomandimeve të OSBE/ODIHR-it për depolitizimin e  administratës zgjedhore dhe ndryshimin e sistemit zgjedhor dhe nënvizuan se këto ndryshime duhet të shqyrtohen e votohen në Kuvend, i cili, si organ ligjvënës është  është institucioni legjitim për të realizuar reformën zgjedhore.

Ruçi vlerësoi produktivitetin dhe  kontributin e grupeve parlamentare të opozitës në realizimin e reformave të rëndësishme në vend, si Reforma në Drejtësi, votimi i ligjeve me shumicë të cilësuar, zgjedhja e anëtarëve të institucioneve të reja të sistemit  të drejtësisë etj. dhe nënvizoi se Kuvendi i Shqipërisë, si institucioni legjitim për kryerjen e reformës, duhet dhe do të respektojë sensibililitet e të gjithë grupeve parlamentare për realizimin e ndryshimeve ligjore në kuadrin e Reformës Zgjedhore.

Kryetari i grupit parlamentar demokrat, Muslim Murrizi tha për mediat në dalje të kryesisë së Kuvendit se janë në pritje të takimit me kryeministrin Edi Rama. Sipas tij, nëse nuk arrihet një dakordësi nuk do ta votojnë reformën, që Murrizi e quajti arnim.

“Askush brenda apo jashtë institucioneve legjitime nuk tallet me sovranitetin e votës tonë dhe mandatin e deputetit që ne kemi marrë. Po presim Ramën në respekt që ai të na kthejë përgjigje. Ne nuk mund të rrinim për të vazhduar normalitetin, aq më tepër kur prioritet i parlamentit është reforma zgjedhore dhe jo arnimet për të lënë në fuqi marrëveshjen e 2008. Nuk është tagri im të merren me sharlatanë që kërkojnë të marrin poste. Unë jam deputet dhe nuk do ta votoj arnimin nëse nuk merren parasysh listat e hapura, depolitizimin e administratës dhe votën e emigrantëve”, tha Murrizi.

Nimet Musai tha se në ditët në vijim mbetemi besimplotë që rekomandimet e OSBE-ODIHR dhe të Bundestagut do të realizohen.

Ka qenë një takim i ngrohtë me kryetarin e parlamentit, shprehëm vlerësimin për mikpritjen që na bëri. I shprehem kryetarit të parlamentit që këshilli politik nuk e arriti qëllimin për të cilin u mblodh. Produkti  i kërkuar nga shoqëria shqiptare nuk u arrit. Nuk kemi bojkotuar konferencën por jemi këtu për të dhënë një mesazh pozitiv, po presim kryeministrin e vendit për t’i thënë që jemi ne deputetët që do votojmë komisionin e reformës zgjedhore, listat e hapura. Nuk do ta votojmë produktin e këshillit. 31 deputetë nuk do ta votojnë këtë produkt. Në ditët në vijim mbetemi besimplotë që rekomandimet e OSBE-ODIHR dhe të Bundestagut të realizohen, kemi kohë”, deklaroi Musai.

Edmond Stojku tha se opozita parlamentare nuk do të marrë pjesë në komisione deri sa të zhvillojnë takimin me kryeministrin Edi Rama.

Desha të flas dhe unë dy fjalë. Ne jemi përfaqësues të institucionit më të lartë të vendit, Kuvendit dhe jemi të detyruar të veprojmë institucionalisht. Kërkuam takim me faktorët ndërkombëtarë, ata na pritën, ne dhamë opsionet tona. Kërkuam takim dhe me kryetarin e Kuvendit që po ashtu na priti për të dhënë mendimin tonë dhe të shoqërisë civile. Kemi dy elementë të rëndësishëm të kësaj reforme, faktorët dhe aktorët. Kemi një listë të 39 deputetëve të firmosur para 1 viti dhe të rifirmosur para një jave që janë për ndryshimin e kodit zgjedhor që do t’i japë fund establishmentit, dy bajraqeve.

Ne kërkojmë takim me kryeministrin Rama dhe duke e pritur, morëm vendimin të mos vazhdojmë më mbledhjet e komisioneve parlamentare pasi nëse nuk takojmë dot të gjithë faktorët ne nuk jemi në gjendje të japim një produkt të mirë. Kemi ardhur për të mirë të popullit shqiptar”, deklaroi Stojku. /Opinion.al

Pas