“Balena Blu” ishte loja që morri jetën e shumë adoleshentëve nëpër botë për shkak të sfidave të rrezikshme dhe vdekjeprurëse që loja përmbante. “Balena Blu” u përhap edhe në Shqipëri ku shumë raste u denoncuan në mediat sociale. Por një tjetër lojë po kërcënon fëmijët. Ajo quhet “48 hour Challenge” dhe konsiston në zhdukjen e personit nga shtëpia për dy ditë.
Një grua ka treguar se fëmija i saj, së bashku me të tjerë është larguar dhe u gjet pas 55 orësh. “Isha e tmerruar duke menduar se mund të kishin vdekur, përdhunuar, trafikuar apo vrarë. Por këto fëmijë mendojnë se është qesharake. Nuk u mërzita aspak kur policia kërkoi që ti mbante në paraburgim”. – është shprehur ajo.
Kjo lojë mund të jetë kërcënimi i radhës për të gjitha familjet, dhe prindërit duhet të tregojnë kujdes te fëmijët dhe adoleshentët.
