Bota

Pas Albanos, edhe Toto Cutugno në listën e zezë të Ukrainës


               Publikuar në : 12:00 - 15/03/19 |
eri on

Pas Albano Carrisit, Ukraina ka futur në “listën e zezë” edhe këngëtarin tjetër italian, Toto Cutugno. Sipas deputetit që ka bërë kërkesën, Viktor Romanyuk, “këngëtari bën pjesë në listën e miqve të Vladimir Putinit dhe ka mbështetur aneksimin e Krimesë nga Rusia”.

Gjithsesi, Cutugno nuk është përpjekur ta fshehë lidhjen e tij me Rusinë. Kohët e fundit ka thënë për një gazetar të “Sorrisi e Canzoni” se ka dhënë shfaqje dy-ditore në Rusi, ku në një televizion në Moskë 24 këngëtarë rusë kanë kënduar këngët e Cutugno-s në italisht.

Këngëtari që u bë i famshëm me tingujt e muzikës “sono un italiano vero”, tani ndihet i braktisur nga vendi i tij. “Italianët më kanë harruar”, është shprehur në një prej programeve të Rai Uno. Për këtë arsye, koncertet e fundit i ka dhënë jashtë Italisë. Një i tillë ishte parashikuar edhe më 23 mars në Kiev, por tashmë është anuluar./Opinion.al

Pas