Aktualitet

Paralajmëron Basha: Për bishtat e ish-qeverisjes sonë, s’do ketë tolerim


Bëhu pjesë e Grupit Zyrtar të Opinion.al
>> KËTU <<
               Publikuar në : 10:43 - 12/10/21 |
Opi Nion

Nga selia blu, në një prononcim për mediat,  duke iu referuar deklaratës së Flamur Nokës i cili në mbledhjen e grupit parlamentar të së dielës tha që Basha kishte quajtur llum bazën e PD-së, Basha u shpreh se nuk do të ketë asnjë tolerim për personat që për interesat e tyre personale duan ta kthejnë PD-në në një bunker.

“Nuk do të ketë asnjë tolerim. Ne nuk mund të mbetemi peng i axhendave personale, sajesave dhe shpifjeve, që duan ta kthejnë PD në një bunker të axhendave personale, të kujtdo qofshin”.

Më tej lideri i PD-së tha:  “Fraza të dala indirekt por edhe këtu nga këto shkallë të PD-së (prononcimi i Flamur Nokës dje) që janë sajesa dhe shpifje i shërbejnë Ramës bëhen për të demoralizuar demokratët. Këta janë llumi i tranzicionit. Ndërrohen qeveritë, këta pasurohen, ju varfëroheni dhe beteja ime është me ata. Këtu kërkohet fokus. A ka pasur llum në kohën e qeverisjes së PD? Po, një pjesë e kemi pastruar, njerëz që kanë kontrata me inceneratorët, hapin gropa për të pastruar paratë, njerëz që janë të shantazhuar. Që këto para të vendosura me praktika korruptive që i përdorin për të shantazhuar demokratët në një rrugë pa krye dhe të akuzojnë.

PD është shpresa e vetme e këtij vendi. Kushdo që mendon se do ta kthejë PD në bunker të interesave personale apo të ndryshojë orientimin, apo bishtat e korruptuar të ish-qeverisjes sonë, që një pjesë i kemi pastruar dhe një pjesë kanë mbetur, demokratët i dinë, pazaret që kanë bërë dhe bëjnë me Edi Ramën. Nuk do të lejoj asgjë dhe askënd që di bjerë me shkelm interesave të demokratëve”.

Pas