Bota

Pandemia godet krenarinë ushatarake amerikane


Bëhu pjesë e Grupit Zyrtar të Opinion.al
>> KËTU <<
               Publikuar në : 10:59 - 03/04/20 |
el ida

Aeroplanmbajtësja bërthamore “Theodore Roosevelt” është goditur rëndë nga pandemia e koronavirusit, por dhe është përfshirë në një skandal të paprecedentë.

Me një kapacitet mesatar prej rreth 5000 marinarësh, nga viti 1988 ajo ka qenë krenaria e ushtrisë amerikane dhe njëherësh, protagoniste e pothuajse të gjitha krizave ndërkombëtare ku Shtetet e Bashkuara kanë vendosur të ndërhynë.

Por, edhe pse në një moment tejet kritik, komandanti i i “Theodor Roosevelt”, kapiteni Brett Crozier, që dha alarmin për situatën, është shkarkuar nga drejtimi i saj.

Vendimi erdhi pasi ai i kishte shkruar një letër Pentagonit ku ndër të tjera, paralajmëronte se koronavirusi po përhapej me shpejtësi mes personelit të anijes për shkak se ata jetojnë në një hapësirë të kufizuar dhe kërkonte të merreshin vendime urgjente. Letra, përfundoi në gazetën e “San Francisco Chronicle” dhe nga aty në gjithë mediat amerikane e rrjetet sociale.

“Ne nuk jemi në luftë. Nuk ka nevojë që të vdesin marinarë. Në qoftë se nuk veprojmë tani, ne do dështojmë në përkujdesjen e asetit tonë më të çmuar, marinarët”, shkruhej në letrën e komandantit Crozier.

Javën e shkuar ishin raportuar vetëm tre marinarë të infektuar, ndërkohë që pas pak ditësh numri i ka kaluar 100 ushtarakët.

Aktualisht, personat që nuk janë prekur dhe personeli tjetër jo i domosdoshëm ka zbritur në bazën e ishullit Guam në oqeanin Paqësor./Opinion.al

Pas