Opinion – Pse mbytemi? – 12 Janar 2026

Emisioni “Opinion” mbrëmjen e kësaj të hëne ndalet pikërisht tek situata kritike që përfshiu vendin tonë për ditë me radhë. Shirat e rrëmbyer sollën përmbytje dhe dëme të mëdha në banesa dhe toka bujqësore në shumë qarqe të vendit. Shtëpi të përmbytura, hektarë të tërë tokë bujqësore nën ujë, lumenj të tërbuar dhe biznese të shkatërruar. Edhe pse situata nga moti i keq ka njohur përmirësim të konsiderueshëm në disa qarqe, pasojat e reshjeve janë të konsiderueshme. Në zonën e ish-Kënetës, pamjet janë dramatike. Edhe në Tale të Lezhës po ashtu. Megjithatë reshjet e shiut i lanë vend atyre të dëborës dhe masës polare të ftohtë, që ka përfshirë vendin në dy ditët e fundit. Reshje të shumta dëbore kanë mbuluar pjesën më të madhe të veriut të vendit, juglindjen dhe zonat malore. Këtë të hënë, 12 janar 2026, temperaturat tejet të ulëta, shkuan deri në -18 gradë Celsius në Lurë të Dibrës.