Të hënën, në emisionin “Opinion” u diskutua tema “Çfarë fshihet pas shtetit të Baba Mondit”.
Një prej befasive më të mëdha që këtë fundjavë shokoi shoqërinë shqiptare. Një shkrim i New York Times i publikuar më 22 shtator, ka në faqen e saj të parë një pamje të Kryegjyshatës së Bektashinjve. Shkrimi i Andrew Higgins ishte befasues por në të citonte kryeministrin Edi Rama dhe kryegjyshin Botëror Bektashi, Baba Mondin. Në të jepej lajmi për krijimin e një shteti bektashi sipas modeleve të shteteve të vogla pa përcaktuar formën e regjimit, nëse do të ketë një formë të drejtpërdrejtë apo të centralizuar të pushtetit. Të dhënat janë të paqarta. Lajmi ka ngjallur një reagim të meenjëhershëm ndër aktorët kryesorë në Shqipëri. Disa e kanë marrë me të qeshur, me seriozitet apo me nervozizëm duke e konsideruar si lajm që mund të shkaktojë probleme të brendshme. Reagimi i ndërkombëtarëve është në nivel mediatik. Si funksionojnë shtetet e vogla në Europë? Cilat kanë qenë shkaqet e krijimit dhe ekzistencës së tyre sot? Si është nga ana e legjislacionit? Çfarë ka ndodhur me raportin e kryegjyshatës bektashiane? Deri më tani është thënë që do të ketë pasaportën jeshile, shteti do të jetë 27 hektarë. Nuk do të ketë gjykata, por një shërbim sekret.
Të ftuar : Arlind Ahmetaj, Elton Karai, Ergys Mërtiri, Avenir Peka, Gerta Zaimi, Justinian Topulli
Ndërsa në pjesën e tretë të emisionit “Opinion” u trajtua ekzekutimi i Zai Fundos nga Enver Hoxha./Opinion.al
