Kronikë

Operacion anti-drogë në jug të vendit/ Pranga 6 personave, 1 në kërkim


               Publikuar në : 08:24 - 21/01/20 |
xhu lia

Gjashtë persona kanë rënë në pranga dhe një tjetër është shpallur në kërkim nga policia pas një operacioni anti-drogë të bluve në jug të vendit.

Në prangat e bluve kanë rënë 45-vjeçari Ramiz Jahaj 45 vjeç me banim në Vlorë,26-vjeçari MikelZiflaj me banim në Memaliaj, 55-vjeçari Leonidha Kociaj me banim në Mallakastër, 30-vjeçari Sefer Dukaj banues në Vlorë, 20-vjeçari Marjano Beta me banim në Memaliaj dhe 30-vjeçari Ervin Saka me banim gjithashtu në Memaliaj.

Sipas njoftimit të policisë këta persona në bashkëpunim me njeri-tjetrin në një banesë të pabanuar në vendin e quajtur Mogila, përpunonin dhe paketonin 103 kg lëndë të dyshuar narkotike Cannabis Sattiva, me qëllim transportimin në drejtim të qytetit të Vlorës.

Bëhet e ditur gjithashtu se në cilësinë e provës materiale u sekuestrua lënda narkotike, një armë zjarri pistoletë TT, 3 automjete, 11 telefona celularë, një peshore mekanike, një sasi parash dhe numra të ndryshëm telefonash.

Materialet i kaluan Prokurorisë së Rrethit Gjyqësor Gjirokastër, për hetime të mëtejshme, për veprat penale “Mbajtja pa leje e armëve luftarake dhe municionit” dhe “Prodhimi dhe shitja e lëndëve narkotike” e kryer në bashkëpunim./Opinion.al/

Pas