Bota

Trump reagon për marrëveshjen Kosovë-Serbi: Një tjetër fitore


               Publikuar në : 08:34 - 21/01/20 |
Al Do

Presidenti i Shteteve të Bashkuara të Amerikës, Donald Trump ka përshëndetur marrëveshjen e arritur mes Kosovës dhe Serbisë për rivendosjen e linjës direkte të fluturimit, Prishtinë – Beograd.

Në një status në Twitter, Trump shkruan se kjo fitore u arrit megjithëse thuhej se nuk ishte e mundur.

“Të gjithë thanë se nuk mund të bëhej. Por për herë të parë në një gjeneratë, do të ketë fluturime direkte mes Serbisë dhe Kosovës. Një tjetër fitore. Faleminderit Ambasadorit të Këshillit të Sigurisë Kombëtare Robert O’Brien dhe Ambasadorit Richard Grenell”, shkruan Trump.

Marrëveshja mes Kosovës dhe Serbisë u nënshkrua nga Milun Trivunac

Kujtojmë se marrëveshja u nënshkrua nga sekretari shtetëror në ministrinë serbe të Ekonomisë Milun Trivunac dhe Eset Berisha drejtor i Autoritetit të Aviacionit Civil të Kosovës në ambasadën amerikane në Berlin.

I dërguari i posacëm i presidentit Trump për bisedimet e paqes Kosovës – Serbi, Richard Grenell si dhe këshilltari për Siguri Kombëtare, Robert O’Brien ishin dy nga figurat kryesore që ndërmjetësuan marrëveshjen si dhe ishin të pranishëm gjatë nënshkrimit. /Opinion.al

Pas