Aktualitet

Olta Xhaçka dhe Niko Peleshi betohen si ministra para Presidentit


Bëhu pjesë e Grupit Zyrtar të Opinion.al
>> KËTU <<
               Publikuar në : 19:36 - 04/01/21 |
Semiljana Azizi

Olta Xhaçka dhe Niko Peleshi janë betuar mbrëmjen e sotme para Presdientit të Republikës Ilir Meta.

Ceremonia e betimit mes dy anëtarëve më të rinj të kabinetit qeveritar, Ministres për Evropën dhe Punët e Jashtme, znj.Olta Xhaçka dhe Ministrit të Mbrojtjes, z.Niko Peleshi. është zhvilluar në institucionin e Presidencës

Pas ekzekutimit të himnit kombëtar, Xhaçka dhe Peleshi u betuan me dorën mbi Kushtetutë para Kreut të Shtetit: “Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave”.

Ndërkaq, mësohet se Meta u ka dorëzuar dekrete përkatëse të emërimit, duke u uruar suksese në detyrat e tyre të reja.

Kujtojmë që ditën e sotme ata u dekretuan në Kuvend.

Me 95 vota pro 2 kundër dhe 2 abstenim, Kuvendi ka miratuar shkarkimin e Edi Ramës si ministër i Jashtëm dhe në këtë pozicion është emëruar Olta Xhaçka, që liron postin e ministrit të Mbrojtjes. Ndërsa me 94 vota pro 3 kundër 3 abstenim Kuvendi ka emëruar Niko Peleshi si ministër të Mbrojtjes./Opinion.al

Pas