Bota

Dy ditë pasi mori vaksinën, humb jetën punonjësja e kujdesit shëndetësor


Bëhu pjesë e Grupit Zyrtar të Opinion.al
>> KËTU <<
               Publikuar në : 20:09 - 04/01/21 |
Doriana Çepunaj

Një punonjëse e kujdesit shëndetësor në Portugali ka humbur jetën dy ditë pasi mori vaksinën kundër koronavirusit.

Sipas Daily mail, Sonia Acevedo, 41 vjeç, ndërroi jetë në shtëpinë e saj ditën e Vitit të Ri. Ndërkohë që ditën e nesërme pritet që të bëhet autopsia për të parë edhe shkakun e vdekjes.

41-vjeçarja, nënë e dy fëmijëve, ka punuar në pediatri në Institutin Portugez të Onkologjisë në Porto. Mediat e huaja raportojnë se ajo nuk ka pasur ndonjë efekt anësor pasi ka bërë vaksinën.

Babai i zonjës Acevedo Abilio Acevedo i tha të përditshmes Portugeze Correio da Manha: “Ajo ishte mirë, nuk ka pasur ndonjë problem shëndetësor. Edhe pasi mori vaksinën për COVID-19 nuk pati ndonjë simptomë. Nuk e di se çfarë ka ndodhur. Unë vetëm dua përgjigje. Unë dua të di se çfarë çoi drejt vdekjes vajzën time.”

Ndërkohë në lidhje me ngjarjen reagoi edhe Instituti Portugez i Onkologjisë. “Në lidhje me vdekjen e papritur të një ndihmësi operativ nga IPO në Porto më 1 janar 2021, Bordi i Drejtorëve konfirmon ngjarjen dhe i shpreh ngushëllime familjes dhe miqëve. Shpjegimi i shkakut të vdekjes do të ndjekë procedurat e zakonshme për këto rrethana”, thuhet në deklaratën zyrtare të Institutit Portugez./Opinion.al

Pas