Sociale

Prej ditësh në spital, humb jetën nga COVID-19 kritiku i artit


Bëhu pjesë e Grupit Zyrtar të Opinion.al
>> KËTU <<
               Publikuar në : 21:15 - 04/01/21 |
Doriana Çepunaj

Koronavirusi i ka marrë jetën mësuesit dhe kritikut të artit nga Elbasani, Astrit Lopari. Mësohet se 72-vjeçari ka qenë i shtruar në një prej spitaleve COVID në Tiranë prej dy javësh.

Astrit Lopari ka drejtuar për një periudhë të gjatë shkollën artistike “Onufri” në Elbasan, nga e cila kanë dalë dhjetëra talente të mirënjohur të artit, violinistë, pianistë, këngëtarë, kompozitorë dhe piktorë të mirënjohur në vend.

Mesazhi i Qendrës së Artit Elbasan

Të nderuar miq,
Sot u nda nga jeta muzikologu, kritiku i artit, mësuesi dhe Drejtor i shkollës Artistike “Onufri”, Miku ynë i shtrenjte Astrit Lopari ne moshën 71 vjeçare. Ish nxënës i pare i gjimnazit Dhaskal Todri.

Përfundoi studimet ne “Konservatorin e Arteve” dega – Muzike, specialiteti – “Kritik Arti”, 1972.

Përfundoi kursin pasuniversitar për Kritik Muzikore. Gjate kësaj kohe ka patur disa eksperienca pune qe skaliten edhe me shume profesionalisht si udhëheqës Artistik ne te gjitha aktivitete artistike te Kombinatit Metalurgjik ne detyrën Shef Muzike.

Me pas mësues muzike ne shkollën Pedagogjike ku dha një kontribut te madh ne edukimin e një brezi mësuesish te rinj. Me prej me shume se 35 vjet filloi te drejtonte edukimin artistik muzikor dhe jo vetëm, ne shkollën artistike “Onufri”. Gjate kësaj kohe me një vitalitet dhe energji te jashtëzakonshme ai rriti, edukoi breza te tere Artistesh te se ardhmes. Ai luajti një rol shume te rëndësishëm dhe konkret ne zgjerimin e kësaj shkolle, duke bere te mundur hapjen e degëve te artit pamor, pikture dhe skulpture, degën e kitarës, te firzamonikës etj.

Nxënësit qe dolën nga kjo shkolle, ishin dhe janë studentet nga me te mirët ne Universitetin e Arteve por edhe ne institucione arsimore jashtë Shqipërisë.
Shkolla Artistike ” Onufri” nen drejtimin e tij u formatua plotësisht si një shkolle artistike profesionale e nivelit bashkëkohore. Ketë e tregojnë edhe përfaqësimet dinjitoze te shkollës ne konkurse ndërkombëtare si ne Zvicër dhe Austri ku vlerësuan nga kritika vendase, Si dhe aktivitete koncertale nen drejtimin e tij ne Kosove, Maqedoni, Mal i Zi, si dhe ne te gjithë qytetet e vendit.

Për me shume se gjysme dekade familja e tije ishte, shkolla, ishin nxënësit, ishin mësuesit, ishte arti, si dhe kontributi i tije i çmuar ne lëvizjen artistike kulturore te Elbasanit.

Lamtumire profesori, mësuesi, prindi ynë Astrit.

 

 

 

 

Pas