Aktualitet

Nis vaksinimi për farmacistët në qarkun e Tiranës


Bëhu pjesë e Grupit Zyrtar të Opinion.al
>> KËTU <<
               Publikuar në : 17:17 - 06/04/21 |
Opi Nion

Ditën e nesërme do të nisë vaksinimi masiv për të gjithë farmacistët në qarkun e Tiranës.

Lajmi është bërë i ditur pasditen e sotme nga Urdhri i Farmacistëve të Shqipërisë.

Nëpërmjet një postimi në llogarinë zyrtare të “Facebook”, shkruhet se të gjithë ata farmacistë që janë të interesuar të marrin dozën e parë të vaskinës duhet të plotësojnë një formular me të dhënat e kërkuara.

“Të nderuar kolegë,

Ju njoftojmë se ditën e nesërme nis procesi i vaksinimit për farmacistët e Rajonit të Tiranës. Të gjithë farmacistët që janë të interesuar të vaksinohen, të plotësojnë formularin e mëposhtëm me të dhënat përkatëse, në mënyrë që të hartohen listat që do i dërgohen qëndrave të vaksinimit.”– shkruhet në postimin e Facebook.

Kujtojmë që janë duke u vaksinuar tashmë dhe policët, gazetarët e terrenit dhe operatorët, teksa vijon me ritme të larta vaksinimi për të moshuarit mbi 70 vjeç. Deri më tani tek këto kategori është përdorur vaksina kineze Sinovac./Opinion.al

Pas