-U tha në Opinion

Ngjarja e Kavajës, Policia e Shtetit “mbyll gojën”


               Publikuar në : 22:18 - 16/10/19 |
geliano fataj

Policia e Shtetit vazhdon hesht për ngjarjen në Kavajë. Drejtuesi i emisionit Opinion, Blendi Fevziu edhe këtë të mërkurë ka pyetur publikisht policinë e Shtetit nëse Dritan Haxholli lëvizte i armatosur në qytetin e Kavajës, edhe pse duhej të ishte në burg natën që shkoi për të vrarë. LEXO LAJMIN KËTU.

Blendi Fevziu: Ka dalë një informacion, i cili thoshte se personi që ka mbetur i vrarë, ka pasur një problematikë të vazhdueshme me policinë. Sipas të dhënave, ishte i kërkuar nga policia, të dhënat e publikuara sot tregojnë se jo vetëm ka qenë në kërkim policor, por edhe me vendim gjykate, me arrest. Jo vetëm kaq, por pak kohë më parë kishte qëlluar furgonin e policisë, ndërkohë që tentoi ta ndalonte dhe për këtë nuk ka ndërhyrë askush. Siç tha edhe gruaja, Marsida Qatja, ai shkonte edhe në zyrën e saj në qendër të Kavajës i armatosur me kallashnikov dhe lëvizte çdo ditë brenda Kavajës me kallashnikov. Në këtë moment që mori një kahe tjetër, dhe pas një fotoje të publikuar, sipas të cilës dy personat, Bledar Toçi dhe Dritan Haxholli ishin të dy të njohur më parë, kanë pozuar në këtë foto, njëri me pistoletë tjetri me kallashnikov. Një person me vendim gjykate i ndaluar dhe një funksionar i shtetit në cilësinë e drejtorit të sigurisë së Burgut të Durrësit. Në këtë moment kemi kërkuar një konfirmim live dje në emision dhe gjatë të gjithë ditës së sotme, për arsye konfidencialiteti, nuk po duam t’i nxjerrim në publik mesazhet, por i kemi kërkuar policisë, të sjellë një përfaqësues, i cili t’i përgjigjet, ose minimalisht të ketë një deklaratë, në të cilën t’i jepet përgjigje një pyetjeje, nëse ky person në Kavajë ka qenë kaq problematik dhe shëtiste lirshëm me kallashnikov në dorë, siç thonë dëshmitë e qytetarëve, apo dëshmitë nuk qëndrojnë? Deri më tani, në pothuajse 24 orë, 23 orë e pak, sepse në pjesën e dytë të emisionit doli dhe ne e vijuam emisionin ditën e sotme, ne nuk kemi asnjë përgjigje nga policia.

Lorenc Vangjeli: E kë marrë përgjigjen e policisë, ndonjëherë heshtja është më madhe se një përgjigje. Përgjigjen nga policia e ke marrë, e ke aty në atë foto.

Artan Hoxha: Bashkëshorti i asaj vajzës, që është në burg në Gjermani në Shqipëri ka qenë i dënuar për vrasje. Cili është ai budalla që do shkojë atje, kur e di cili është. Ky grup personash, nuk janë zënë aty për një femër. Janë të përfshirë në një aferë kriminale, për se janë prishur pazaret atë le ta gjejnë.

***

Ngjarja e rëndë ndodhi në orët e para të mëngjesit të 10 Tetorit në Kavajë në banesën e Marsida Qatjas. Viktima Dritan Haxholli, i cili më parë ka pasur lidhje intime me Marsida Qatjan, shkoi në banesën e kësaj të fundit i armatosur me kallashnikov.

Ai hyri në apartament nga dera kryesore dhe aty u përball me policin e burgjeve, Bledar Toçin, me të cilin kishte njohje të mëparshme.

Haxholli qëlloi në drejtim të tij duke e plagosur me një plumb kallashnikovi, kurse ky i fundit reagoi duke e qëlluar me pistoletën e shërbimit. Dy plumba i morën jetën Dritan Haxhollit.

Në vendngjarje grupi hetimor mblodhi 1 gëzhojë kallashnikovi dhe 17 gëzhoja të pistoletës së Toçit. Ky i fundit u ka thënë hetuesve se reagoi për vetëmbrojtje./ Opinion.al

Pas