Politikë

Cakaj: Nëse nuk hapen negociatat, përgjegjësitë nuk janë vetëm të qeverisë


               Publikuar në : 23:18 - 16/10/19 |
Opi Nion

Gent Cakaj, ministri i Jashtëm në detyrë i Shqipërisë, ka folur në lidhje me procesin e hapjes së negociatave të Shqipërisë me Bashkimin Europian.

Cakaj është shprehur gjatë një interviste televizive se qeveria shqiptare ka përmbushur të gjitha detyrat që kërkon Bashkimi Europian për hapje negociatash.

Ministri i Jashtëm në detyrë, ka folur dhe për qëndrimin e presidentit të Francës, Macron, duke thënë se ai është shprehur se çështja e zgjerimit nga ka të bëjë me arritjet e Shqipërisë dhe Maqedonisë së Veriut, por me çështje të brendshme të Bashkimit Europian.

Cakaj theksoi se në rastin e Shqipërisë procesi i hapjes së negociatave nuk është vetëm përgjegjësia e qeverisë, por të gjithave palëve.

“Opozita nga parlamenti nuk ka ikur si shkak i presionit të qeverisë, por si rrjedhojë e taktikave të tyre elektorale. Bundestagu ka vendosur dy kushte kryesore: reforma elektorale dhe mbushja e vakancave të Gjykatës Kushtetuese. Kushtet e Bundestagut nuk kanë lidhje me kërkesat e opozitës. Kushtet kanë të bëjnë me platformën që BE ka bërë për Shqipërinë. Këto janë pako të ardhura për shkak të reformës në drejtësi. Të gjitha çështjet që janë kërkuar dhe që kanë qenë në dorë të qeverisë janë kryer. Reforma zgjedhore kërkon angazhim edhe të opozitës parlamentare dhe jashtë-parlamentare. Në këtë pikëpamje, hapja e negociatave kërkon angazhimin e të gjitha palëve politike. Edhe në rastin e Shqipërisë dhe Maqedonisë Veriore, përgjegjësitë nuk janë vetëm të qeverisë. Kjo sepse kemi Maqedoninë Veriore e cila ka ndryshuar edhe emrin e sërish nuk po hapen negociatat. Kjo tregon se BE ka probleme të brendshme më së pari. Nëse Presidenti i Francës deklaron se nuk është çështje e dy vendeve, por është çështje e brendshme e BE, ku është përgjegjësia e Qeverive në Tiranë dhe në Shkup? Hapja e negociatave nuk është interes që i takon vetëm qeverisë, por të gjitha palëve,”-tha Gent Cakaj./ Opinion.al E.Xh.

Pas