Kronikë

Nga puna në Rinas, tek shitja e kokainës… Historia e shqiptarit


               Publikuar në : 23:17 - 14/03/19 |
geliano fataj

Në Shqipëri jetonte mirë, deri sa e nëna e tij u sëmurë. Kjo e detyroi të linte punën si kontrollues i trafikut ajror dhe të nisej drejt Holandës. Bëhet fjalë për rastin e një 30-vjeçari shqiptar, që është dënuar me 30 muaj burg, pasi akuzohet se shiste kokainë. Dënimi 30-vjeçarit Endri. K, i është dhënë nga një gjykatë në Bryzh të Holandës.

Ai kishte mbaruar studimet universitare në Shqipëri dhe kishte filluar punë si kontrollues i trafikut ajror.

“Ai sigurisht ka një të ardhme”, argumentoi avokatja e tij Nadia Lorenzetti.

“Më 1 Mars të vitit të kaluar klienti im dha dorëheqjen nga puna. Nëna e tij në atë kohë vuante nga kanceri i mitrës. Ai kishte marrë një hua për të paguar për trajtimin e saj, por për shkak të humbjes së punës së tij, ai ishte në vështirësi financiare. Endri K. erdhi në Holandë ku filloi të punonte për një firmë ndërtimi. Më pas ai mori një propozim nga një bandë për të shitur drogë dhe kështu u përfshi në atë mjedis”, tha më tej avokatja e tij.

“Ne sapo kemi goditur një bandë shqiptare që shiste drogë kur morëm informacione se një tjetër tregtar shqiptar po punonte. Si bashkatdhetarët e tij, i pandehuri shiste drogë me biçikletë. Kur u arrestua, ai kishte jo më pak se 54 pako kokainë në xhepin e tij”, tha prokurori. /Opinion.al

Pas