Aktualitet

Nga legalizimi i kanabisit te krimet ndaj fëmijëve, Rama: Ja temat e pyetësorit


Bëhu pjesë e Grupit Zyrtar të Opinion.al
>> KËTU <<
               Publikuar në : 13:06 - 24/12/21 |
Opi Nion

Kryeministri Edi Rama deklaroi këtë të premte se do të nisë një nismë për këshillim kombëtar me qytetarët, ku do të pyeten mbi tema të caktuara.

Ai theksoi se disa nga temat për të cilat shqiptarët do të pyeten janë anëtarësimi i Shqipërisë në BE dhe ndarja e vendit tonë nga Maqedonia e Veriut, Ballkani i Hapur, problemi i të punësuarve, krimet e dhunës në familje dhe kundër fëmijëve, legalizimi i kanabisit etj.

“Po bëj një paraqitje të përmbledhur të temave. Anëtarësimi i Shqipërisë në BE është i lidhur drejtpërdrejt me një veto të vendosur mbi Maqedoninë e Veriut nga një shtet i tretë. Gjithnjë e më shumë ka një debat brenda vendit, që nuk mund të jetë jashtë vëmendjes së qeverisë. Ka njerëz që thonë se aplikimi i Shqipërisë duhet të ndahet nga Maqedonia e veriut dhe vendi të vlerësohet për meritat e tij. Ka të tjerë që mendojnë se ne duhet të presim për ruajtjen e këtij kohezioni e në funksion të marrëdhënies shumë të veçantë që kemi me Maqedoninë e Veriut. Ne jemi në një 6 mujor me rëndësi të veçantë, ama duhet t’i drejtojmë shqiptarëve një pyetje. A duhet të vendosemi në pozitën e qartë në raport me të tjerët për të kërkuar që të jemi ndarazi nga Maqedonia e Veriut, edhe pse 6 mujori i parë i vendit që do të futet do të jetë po njësoj.

Ballkani i Hapur, ka njerëz që besojnë se krijimi i Ballkanit të Hapur dhe kjo nismë është gjëja e duhur dhe ka të tjerë që mendojnë se kjo nismë nuk i sjell përfitime Shqipërisë. Kemi hedhur një hap të parë për nënat me nevoja ekonomike, me tre fëmijë apo më shumë. A jemi të gatshëm ne të adresojmë më tej çështjen e mbajtjes së nënave edhe kur ato janë të punësuara. Bëhet fjalë për një 2 punësim me kohë të plotë. A është e gatshme shoqëria t’i japë mbështetje? Më tutje kemi çështjen e situatës në të cilën jemi gjendur më së fundmi, krimet ekstreme të dhunës në familje dhe kundër fëmijëve. Duke pasur parasysh se një pjesë e opinionit kërkon ashpërsim ekstrem në dënimin e autorëve përsëritës të krimeve kundër personit, e në të njëjtën kohë kjo përbën një sfidë në raport me standardet e caktuara dhe procesin tonë, që është i lidhur me botën kur jetojmë, e duam nga qytetarët opinionin e tyre.

Një problem tjetër i madh është problem i të punësuarve, që janë viktima të metodave fiktive të pagave. A duhet të angazhohemi që t’i japim një shpërblim të veçantë të atyre që largohen nga puna për hakmarrje. Ne të angazhohemi financiarisht ndaj këtyre njerëzve, apo kjo është një barrë më shumë në shtëpinë e përbashkët dhe duhet adresuar në forma të tjera.

Më tutje kemi situatën ku u gjendëm së fundmi, krimet e dhunës në familje dhe kundër fëmijëve. Duke pasur parasysh se opinioni kërkon ashpërsim  ekstrem në dënimin e autorëve përsëritës të krimeve kundër personit por në të njëjtën kohë kjo përbën ehde një sfidë në raport me standarde të caktuara apo me të gjithë procesin tonë që është i lidhur me botën ku jetojmë ne duam nga qytetarët opinionin e tyre.

Kultivimi dhe përpunimi i kanabisit për qëllime mjekësore, pa legalizuar për qëllime të tjera, është një instrument që shumë vende po e përdorin për të fuqizuar ekonominë e tyre. Sot ka njerëz që thonë se Shqipëria, nuk është ende koha për të hyrë në këtë proces. Edhe unë e kam kundërshtuar. Por në këndvështrimin tim, nuk mund të presim më. Por është një vendimmarrje që na duhet më shumë sesa bindja jonë dhe duhet të kapërcejmë përtej kartonit dhe shumicës dhe të marrim një opinion shumë më të gjerë nga të gjithë shqiptarët”, tha Rama.

Pas