Pas raportit të Komisionit Europian, kryeministri Edi Rama ka dalë në një konferencë të përbashkët me ambasadorin e BE, Luigi Soreca. Në fjalën e tij, kryeministri Rama theksoi se vendimi i Komisionit Evropian për rekomandimin e çeljes së negociatave, nuk është një surprizë por është afirmim i faktit se qeveria të gjitha detyrat e shtëpisë.
Në fakt po të lexosh deklaratën e Ramës në vitin 2018, del se që në qershor të atij viti negociatat janë hapur. Për më tepër lexoni dy deklaratat në vite të ndryshe, por sipas Ramës qëllimi është i njëjtë: negociatat janë hapur!
Edi Rama, viti 2018: Pas shumë muajsh përpjeke të përditshme, mes dallgëve të ngritura artificialisht nga opozita esadiste, që s’la vesh të huaj pa përmbytur mes dallgëve të Shqipërisë, Shqipëria mori datën zyrtare të çeljes së negociatave. Pas datës u çel drita jeshile për anëtarësim në BE. E dhimbshme por e vërtetë, qe teksa ne merrnim telefonata urimi, opozita jonë esadiste, dhe mediat e saj, hidhnin gurët e vulgaritetin të tyre për tu prishur shqiptarëve lodhjen e shumifishtë. ‘U shty data’, ‘u shty data’ se Europa nuk pranoi narkoshtetin. Çfarë vulgariteti, çfarë poshtërisë! Si mund të shtyhet një datë që nuk është vënë? Si mund të flitet kështu kaq ligësisht dhe poshtërsisht për vendin tënd! Si mund të keqtrajtohen brutalisht zgjedhësit e tu si të ishin kope qorrash që duhen hedhur në lumë.
Edi Rama 2019: Për ne kjo nuk është surprizë, por afirmim i faktit se i kemi bërë me përpikëri të gjitha detyrat e shtëpisë. Për këtë fakt, Komisioni Europian, që është mekanizmi më i besueshëm lidhur me vlerësimin ecurisë së një vend sot ka konfirmuar rekomandimin pozitiv pa kushte për çeljen e negociatave për në BE. Faktikisht verën e shkuar Shqipëria mori një rekomandim pa kushte dhe Këshilli Europian vendosi që në qershori e 2019 të zyrtarizojë çeljen e negociatave dhe në dhjetor të nis procesi me konferencën ndërqeveritare. Përsëri Komisioni ka konfirmuar progres dhe bazuar në fakte, në shifra në analiza dhe ka ri rekomanduar çeljen zyrtare të negociatave. Shqipëria de-fakto ka filluar procesin sreening, që është një proces që nis pas çeljes së negociatave, që nis zyrtarisht. Nga pikëpamja e procesit në vetvete, Shqipëria nuk ka humbur asnjë minutë. Ky vit, nga viti i shkuar ka qenë një vit pune intensive më Komisionin në aspektin e skanimit të të gjithë aspekteve të legjislacionit siç ndodh me të gjitha vendet që kanë çelur negociatat. Ky ëshët hapi i parë, hapi i dytë konfirmues është Këshilli Europian. Dallimi është i qartë, në hapin e parë kriteret janë objektive, gjykimi është objektiv. Në hapin e dytë gjykimi është politik, në këtë kohë të mbetur ne do bëjmë gjithçka që të influencojmë gjykimin politik. / Opinion.al
