Kronikë

Në kërkim për vrasjen e komisarit të policisë, arrestohet në Gjermani Genc Tafili


Bëhu pjesë e Grupit Zyrtar të Opinion.al
>> KËTU <<
               Publikuar në : 12:31 - 04/01/22 |
Opi Nion

Genc Tafili, i shpallur në kërkim për vrasjen e komisarit të policisë Arben Zylyftari, është arrestuar ditën e sotme. Mësohet se Tafili është vënë në pranga në Gjermani.

Kryepolici i Shkodrës, Arben Zylyftari u vra në vitin 2000 në krye të detyrës me një breshëri plumbash automatiku gjatë drejtimit të një operacioni kundër dy personave të shpallur në kërkim.

Operacioni po zhvillohej gjatë një kontrolli për armë në liqenin e Shkodrës, kur policia ra në gjurmë të një personi shumë të kërkuar, por u has me breshëri plumbash prej tyre. Personat që kanë shtënë ishin Bahri Tafili dhe djali i tij Admir Tafili, ku gjatë të shtënave u vra jo vetëm kryepolici i Shkodrës Zylyuftari por edhe Behar Tafili.

Për ngjarjen policia ka arrestuar Admir Tafilin i dënuar me burg përjetë dhe Genc Tafilin. Më pas Genc Tafili u lirua nga burgu me kusht nga gjyqtarja Enkelejda Hoxha. Ai kishte kryer 17 vite burg nga 25 që ishte dënuar. Pas lirimit, Genc Tafili u lirga nga Shqipëria.

Por në Maj të vitit 2021, Gjykata e Apelit të Tiranës rrëzoi vendimin e ish-gjyqtares së Krujës, Enkelejda Hoxha, duke kërkuar rikthimin në qeli të Genc Tafilit për vrasjen e Arben Zylyftarit në vitin 2000. Ndërkohë, edhe SPAK ka rihapur këtë dosje për ta hetuar edhe njëherë./Opinion.al

Pas