Kronikë

Kush është Genc Tafili, historia e familjes së tij mes vrasjeve


Bëhu pjesë e Grupit Zyrtar të Opinion.al
>> KËTU <<
               Publikuar në : 13:24 - 04/01/22 |
Opi Nion

Genc Tafili, i shpallur në kërkim për vrasjen e drejtorit të policisë, Arben Zylyftari në vitin 2000, është arrestuar nga policia në Gjermani.  Mësohet se Tafili u ndalua në aeroportin e Frankfurtit natën e 31 Dhjetorit teksa do të udhëtonte drejt Stambollit.

Tafili, për vrasjen e komisarit Arben Zylyftari u dënua me 25 vite burgim nga të cilat ka kryer 17 vite dhe më pas u lirua me kusht nga gjyqtarja e Krujës, Enkelejda Hoxha, e cila tashmë është e arrestuar për korrupsion.

Po kush është Genc Tafili dhe historia e familjes së tij

Gjithçka ka nisur në 2 gusht të vitit 2000. Bahri Tafili, babai i Genc Tafilit ishte shpallur në kërkim pasi dyshohej se ishte autor i vrasjes së Gëzim Gecit, pas një konflikti për çështje pronësie.

Asokohe, shefi i Krimeve në Policinë e Shkodrës, Prelë Pjetrushi dhe disa efektivë të tjerë po kryenin një kontroll rutinë, kur vunë re se Bahri Tafili u largua me vrap dhe u mbyll në banesë.

Menjëherë nisën tentativat për ta arrestuar, por Tafili dhe djali i tij Genci qëlluan me armë drejt forcave të policisë.

Në kushte të tilla, shefi i policisë Pjetrushi kërkoi përforcime dhe në krye të Forcave të Ndërhyrjes së Shpejtë vihet Drejtori i Policisë së Shkodrës, Arben Zylyftari.

Pas disa minutash breshëri plumbash Drejtori i Policisë së Shkodrës, Arben Zylyftari mori një plumb në gjoks dhe ndërroi jetë pak orë më pas në Spitalin e Shkodrës.

Ndërkohë i vdekur mbeti edhe Bahri Tafili, i ati i Genc Tafilit. Pas ngjarjes autoritetet arrestuan Gencin, i cili u dënua me 25 vjet burgim, por pas 17 vitesh në qeli Gjyqtarja e Krujës, Enkelejda Hoxha e liroi me kusht.

Çfarë ndodhi më pas? Teksa Genci ndodhej në qeli, djali tjetër i Bahri Tafilit, Admiri nisi të vërë në zbatim planin për “Ekzekutimin e Prelë Pjetrushit”, pasi dyshonte se ai ishte shkaktari i vrasjes së babait.

Pjetrushit iu bë atentat teksa ndodhej me shërbim në komisariatin e Malësisë së Madhe dhe mbetet i plagosur rëndë.

Si autor i ngjarjes u dyshuar Admir Tafili dhe disa muaj më vonë arrestohet nga policia, ndërsa oficeri i lartë i policisë Prelë Pjetrushi u largua nga Shqipëria për arsye sigurie.

Admir tafili njihet edhe si kreu i grupit të ‘tritolit’ pasi teksa ndodhej në burg porositi vrasjen e Ibrahim Manit përmes Kristi Pinës, një bashkëpunëtor tashmë i drejtësisë. Në vitin 2010, Admir Tafili, mori leje nga burgu i Shën Kollit për të parë të ëmën e sëmurë dhe në këtë rast arratiset. Në mars të vitit 2011, vrau në pritë dy vëllezërit e Prel Pjetrushit në fshatin Grudë të Shkodrës. Muaj më vonë, pas një operacioni policie Tafili arrestohet në Tiranë.

Pas