Kronikë

Arrestimi i Genc Tafilit, Interpol Tirana: Do kryejë pjesën e mbetur të dënimit


Bëhu pjesë e Grupit Zyrtar të Opinion.al
>> KËTU <<
               Publikuar në : 14:11 - 04/01/22 |
Opi Nion

Interpol Tirana ka dhënë detaje lidhur me arrestimin e Genc Tafilit në Gjermani. Përmes një njoftimi bëhet me dije se si rezultat i shkëmbimit të informacionit mes Interpol Tiranës dhe Interpol Wiesbaden, Gjermani, është bërë e mundur kapja dhe arrestimi në Gjermani, me qëllim ekstradimi drejt Shqipërisë, i shtetasit Genc Tafili, 43 vjeç, banues në Shkodër.

Genc Tafili u dënua nga Gjykata e Lartë, në vitin 2002, me 25 vjet burgim për vrasjen e Komisarit të policisë, Arben Zylyftar dhe pasi ka vuajtur një pjesë të dënimit, Gjykata e Rrethit Krujë, në vitin 2017, ka vendosur ta lirojë me kusht.

Por, Tafili ishte shpallur në kërkim ndërkombëtar nga Interpol Tirana, pasi në maj të vitit 2021, Gjykata e Apelit Tiranë ka vendosur kthimin në burg, për të vuajtur dënimin e mbetur prej 6 vitesh.

Ngjarja ndodhi në 2 korrik të vitit 2000, kur Tafili, në bashkëpunim me babain e tij, ka vrarë me armë zjarri Drejtorin e Drejtorisë së Policisë Shkodër të asaj kohe, Arben Zylyftari.

Interpol Tirana, në bashkëpunim me agjencitë ligjzbatuese, vijon punën për plotësimin e dokumentacionit, me qëllim ekstradimin e këtij shtetasi në Shqipëri, për të kryer pjesën e mbetur të dënimit./Opinion.al

Pas