Aktualitet

Nuk i bindet policisë, nis hetimi për drejtonin e Ujësjellësit në Përmet


Bëhu pjesë e Grupit Zyrtar të Opinion.al
>> KËTU <<
               Publikuar në : 12:46 - 04/01/22 |
Opi Nion

Është proceduar penalisht shtetasi me inicialet F.D., 30 vjeç, i cili nuk i është bindur urdhrit të policisë pasi kishte parkuar në mënyrë të parregullt makinën.

Sipas uniformave blu, 30-vjeçari me detyrë drejtor i ujësjellësit në Bashkinë Përmet është proceduar penalisht për veprat penale “Kundërshtim i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik”.

“Oficerët e Policisë Gjyqësore pranë Prokurorisë së Gjykatës së Rrethit Gjyqësor Përmet proceduan penalisht shtetasin F. D., 30 vjeç, banues në fshatin Frashër, Përmet(me detyrë drejtor i ujësjellësit në Bashkinë Përmet).

Shtetasi F. D., në datën 03.01.2022, në qendrën e qytetit të Përmetit nuk i është bindur urdhrit dhe ka kundërshtuar punonjësit e policisë pasi kishte parkuar në mënyrë të parregullt automjetin.

Shtetasi i mësipërm u procedua penalisht për veprat penale “Kundërshtim i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik”,”-thuhet në njoftimin e policisë./Opinion.al

Pas