Bota

Në garë për Hënën, SHBA ultimatum Nasës


               Publikuar në : 15:34 - 18/04/19 |
el ida

SHBA kërkon tani të bëjë sërish një zbritje në Hënë, dhe kërkon ta bëjë sa më shpejt. Zëvendëspresidenti Mike Pence, i ka dhënë si detyrë autoriteteve amerikane të hapësirës, NASA, që brenda pesë vjetëve të dërgojnë sërish amerikanë në Hënë.

“Nëse NASA nuk do të jetë në gjendje ta bëjë këtë qeveria amerikane do të ngarkojë me këtë detyrë sipërmarrjet private”, paralajmëroi Pence.

Ai shtoi se SHBA ndodhet në garë që në vitet gjashtëdhjetë, por nuk përmendi emra, por Ramon Lugo, drejtor i Institutit Hapësinor të Floridës (FSI) nga Universiteti i Orlandos, mendon se zëvendës-presidenti kishte parasysh jo rivalitetin me Rusinë, por atë mes SHBA dhe Kinës.

Lugo deklaroi se është e qartë se Kina ka një program për Hënën, në anën tjetër të së cilës arriti të dërgonte me sukses në muajin janar një anije kozmike.

Në këtë listë për pak sa nuk hyri së fundi edhe Izraeli, i cili nuk arriti të ishte në një nga vendet që kanë zbritur në Hënë pas SHBA, Bashkimit Sovjetik dhe Kinës. Anija kozmike “Beresheet” u rrëzua për shkak të problemeve me motorin.

Duket se rreth pesë dekada pas zbritjes së parë të amerikanëve në Hënë, sateliti i vetëm natyror i Tokës se është rikthyer fuqishëm në vëmendje./Opinion.al

 

Pas