Aktualitet

Ndalohet 35 vjeçari me “Porsche” në Elbasan, i sekuestrohen 40 mijë paund


Bëhu pjesë e Grupit Zyrtar të Opinion.al
>> KËTU <<
               Publikuar në : 16:03 - 30/06/20 |
Al Do

Policia e Elbasanit ka sekuestruar 40 mijë paund gjatë kontrollit të automjetit të një qytetari i cili dyshohej për veprimtari të paligjshme.

Konkretish, sipas burimeve zyrtare, policia kreu kontroll në automjetin tip “Porsche” që drejtohej nga A. S., 35 vjeç, banues në fshatin Vodice, Berat.

Ai u ndalua në Bradashesh, në hyrje të autostradës Elbasann – Tiranë.

“Si rezultat i kontrollit të ushtruar në automjetin tip “Porsche”, me drejtues shtetasin A. S., 35 vjeç, banues në fshatin Vodice, Berat, shërbimet e Policisë gjetën në brendësi të mjetit dhe sekuestruan në cilësinë e provës materiale 40 mijë paund, për të cilat ky shtetas nuk dispononte asnjë dokument për burimin e tyre.

Shtetasi A. S. është shoqëruar në ambientet e DVP Elbasan dhe në përfundim të veprimeve të para hetimore të kryera nga specialistët e Krimit Ekonomik dhe Financiar në Drejtorinë Vendore të Policisë Elbasan është proceduar penalisht”, tha Policia.

Materialet i kaluan Prokurorisë pranë Gjykatës së Shkallës Parë Elbasan, për veprimet e mëtejshme procedurale, për veprat penale “Fshehja e të ardhurave” dhe “Mosdeklarimi i të hollave dhe i sendeve me vlerë në kufi”./ Opinion.al

Pas