Aktualitet

Ndahet nga jeta trajneri i mirënjohur i atletikës, Vildan Tufi


Bëhu pjesë e Grupit Zyrtar të Opinion.al
>> KËTU <<
               Publikuar në : 13:45 - 18/10/20 |
Al Do

Ditë e zezë sot për ateltikën shqiptare pasi është ndarë nga jeta Vildan Tufi, një nga trajnerët më të shquar të vendit.

Vildan Tufi u nda nga jeta në moshën 75- vjeçare si pasojë e një sëmundjeje të rëndë. Ai la pas një trashëgimi kampionësh në atletikë dhe rezultatesh të larta ndërkombëtare për vite me radhë.

Për ndarjen e tij nga jeta ka raguar edhe presidenti Ilir Meta i cili ka shprehur ngushëllimet në një postim në Facebook. Ndër të tjera, kreu i Shtetit shkruan se pasioni dhe profesionalizmi i Vildan Tufit, do të mbeten një shembull i çmuar dhe frymëzues në përgatitjen e atletëve elitarë dhe kampionëve të ardhshëm.

Me shumë dhimbje mora lajmin e trishtë për ndarjen nga jeta të Mjeshtrit të Madh, Profesor Vildan Tufit, personalitetit të shquar dhe të padiskutueshëm të sportit shkodran dhe kombëtar.
Humbje shumë e madhe dhe e pazëvendësueshme për familjen e Tij dhe thellësisht pikëlluese për mbarë komunitetin e atletëve shqiptarë, që ndahen sot nga ky kolos i sportit shqiptar që la gjurmë të mëdha, si atlet rekordmen dhe trajner i kampionëve të mëdhenj, veçanërisht në garat e kërcimit së gjati, trehapësh, garat e shpejtësisë dhe 10-garësh. Pasioni dhe profesionalizmi i tij do të mbeten një shembull i çmuar dhe frymëzues në përgatitjen dinjitoze të atletëve elitarë dhe kampionëve të ardhshëm të atletikës tonë në nivel kombëtar dhe ndërkombëtar, si Izmir Smajlaj, Vera Bregu e Admir Bregu.
Me mirënjohje e respekt do ta kujtojmë Profesor Tufin për punën e palodhur në edukimin e brezit të ri, me dashurinë për sportin, larg rreziqeve sociale dhe veseve. Familjes Tufi, atletëve, bashkëpunëtorëve, miqve dhe mbarë komunitetit të dashur të Shkodrës ju shpreh ngushëllimet më të ndjera për këtë humbje që na tronditi sot të gjithëve! I paharraruar kujtimi i Profesorit Vildan Tufi! U prehtë në paqe!”,
shkruhet në mesazhin e presidentit Meta. /Opinion.al

Pas